Skripja Taem

Jisas I Hilim Wan Man we I Gat Leprosi

I Kam long Serin Sandeson

Woman we i raet i stap long Yuta, YSA.

!Tugeta yumi lanem abaot Niu Testeman long yia ia!

Tingabaot wan taem we yu bin sik. ?I gat wan we i mekem wan samting blong helpem yu kam oraet?

Long Niu Testeman, yumi ridim abaot wei we Jisas i soem kaen fasin long ol pipol we oli bin sik. Wan dei, wan man we i gat wan bigfala sik we oli singaotem leprosi, i go long Jisas. Hem i bin save se Jisas i gat paoa blong hilim evriwan we i bin sik. Hem i biliv se Jisas i save hilim hem. Jisas i tajem man we i kasem leprosi mo talem: “!Yu klin!” (Mak 1:41). Taem Jisas i toktok, wantaem nomo man ia i kam oraet.

Yumi save folem ol wokbaot blong Jisas taem yumi stap kaen mo gat lav long ol narawan we oli sik o harem nogud.

Lanem Moa: Ol Gospel

Niu Testeman i gat fo spesel buk we oli singaotem Ol Gospel, we samfala disaepol blong Jisas oli bin raetem. Ol Gospel oli tokbaot taem we Jisas Kraes i bin laef long wol ia. Stori abaot taem we Jisas i hilim man we i gat leprosi i stap long tri long Ol Gospel ia. Hem i stap long Mak 1:40–42, mo tu, insaed long Matiu 8:2–4 mo Luk 5:12–14.

Ol Tingting blong Famle Storian

Yu save ol skripja fes we oli stap long pej 74 blong talem stori we i kam long Mak 1:40–42. Afta, yu save ridim Jud 1:22 mo plan long olsem wanem blong mekem wan samting olsem wan famle blong mekem samting i defren long laef blong wan. !Maet yu save givhan long wan long sikret!

Singsing: “Tell Me the Stories of Jesus” (Children’s Songbook, 57)

Skripja: Mak 1:40–42

Videos: Go long Biblevideos.org blong lukluk “Jesus Heals a Lame Man on the Sabbath” mo “Jesus Heals a Man Born Blind.”

Stap Folem Wokbaot blong Jisas

Wetem famle blong yu, rolplei long olsem wanem nao yu save soem lav long ol narawan long ol situesen ia. !Mekemap sam long ol situesen blong yuwan!

• Wan niu famle i muv i kam long eria we yu stap laef long hem.

• Sam pikinini oli minim blong mekem nogud long wan nara pikinini long skul.

• Wan visita we i no save eniwan long jos i kam long Praemeri.

• Yangfala brata o sista blong yu i no gat wan blong stap pleplei wetem.

• Bebi i stap krae, mo mama blong yu i stap traem blong mekem kakae.

• Wan insaed long wod o branj blong yu i sik mo i no save aot long haos.

Skripja Help: Lukaotem toktok

Insaed long Mak 1:41 oli yusum toktok ia,sore. Samtaem i gat ol bigfala toktok insaed long Baebol we maet yu no andastanem gud. Taem yu faenem wan toktok we yu no save, yu save yusum Gaed long Ol Skripja blong helpem yu. Eksampol. Yu save lukluk long “Sore” blong faenemaot se toktok ia i minim wanem mo blong faenem ol nara skripja we oli yusum toktok ia. ?Wanem nara toktok nao yu save lukluk insaed long stori abaot Jisas we i hilim man we i gat leprosi?