2015
From Josef
Epril 2015

From Josef

I Kam long Ted Barnis

Prishud Dipatmen

Faenem sikis wei we laef blong yu hem i defren, (o i save kam defren) from Profet Josef Smit.

Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

Josef Smit i ded ova long 170 yia i pas. Hem i laef 38 yia nomo, mo i spendem plante long ol taem ia long ol ples we oli no save olgeta, mekem se bae yu no save faenem olgeta long eniwan long ol ditel map ia. Mo ating yu save gud plante samting we hem i bin mekem long laef blong hem. ?Be yu yu bin tingting long olsem wanem nao ol samting ia oli tajem yuwan? Maet ol wei ia oli plante tumas blong kaontem, be yu save stat wetem olgeta sikis ia.

From Josef Smit:

1. Yu andastanem huia stret God, mo huia stret Jisas Kraes.

Iven sapos i no Josef Smit, bae yu stil biliv long God we i Papa mo long Jisas Kraes. Yu save gat ol testemoni blong Baebol. Be tingting long hamas nao andastaning blong yu i moa dip mo rij from wanem we Josef Smit i bin putumbak—ol witnes blong Buk blong Momon we oli tok stret mo oli konfemem ol samting, Doktrin mo Ol Kavenan, mo Perel we I Gat Bigfala Praes. Eksampol. Yu yu save wan samting we plante long wol oli no save: i we Sevya we i girap bakegen long ded i bin kamaot long Ol Amerika—i pruvum toktok blong Hem se Hem i God blong Isrel, be tu, Hem i God blong ful wol (Tri Nifae 11:14).

Tingting long olsem wanem nao testemoni blong yu long saed blong Papa long Heven mo Jisas Kraes i kam strong moa tru long strong witnes blong ol profet olsem Nifae, Alma, mo Moronae—mo no fogetem Josef Smit hemwan, we i talem: !Hem i stap laef! From we hem i luk Jisas long raet saed blong han blong God (Luk long D&C 76:22–23). Long wan taem we oli jalenjem fet long God mo Jisas Kraes mo oli lego tingting ia, !hem i wan blesing blong gat laet ia antap wanem we i stap finis!

2. Yu save se yu yu wan pikinini blong God—mo evri narawan tu.

Youth in the Philippines are walking in a line and laughing and holding hands.

Maet, trutok we i moa impoten we Josef Smit i bin putumbak, i trutok abaot rilesensip blong yumi wetem God.1 Hem nao i stret Papa blong yumi. ?Yu bin stop finis mo tingting long saed blong ol samting we i kamaot long tru samting ia? Hemia i jenisim wei we yu stap lukluk long yuwan: nomata wanem wol i tingting abaot yu, yu save se yu yu wan pikinini blong God, we God i lavem yu, wetem ol kwaliti blong Hem we yu gat insaed long yu. Hem i jenisim wei we yu luk ol narawan: wantaem nomo, evriwan—evriwan—i brata mo sista blong yu. Hem i jenisim wei we yu lukluk long laef: Evri glad mo tes blong hem oli pat blong plan blong Papa long Heven blong helpem yu blong kam olsem Hem. !Hemia i wan gud samting mo yu stap singsing long hem long Praemeri!2

3. Famle blong yu i save stap blong taem we i no save finis.

Family posing together on a street in Hong Kong.

?From wanem plante pipol tumas oli konfius se mared mo famle oli impoten o no? Maet from se oli no save doktrin we i kambak tru long Josef Smit, se mared mo famle, God nao i odenem mo oli blong taem we i no save finis (luk long D&C 49:15; 132:7). Oli no ol kastom we man i mekem we sosaeti i nomo nidim—oli pat blong oda we i no save finisl, we i blong heven. Mo tangkyu from ol prishud ki mo ol tempol odinens we oli kambak tru long Josef Smit,nao bae famle blong yu we i no save finis i save stat long ples ia, long wol.

4. Yu save yusum prishud mo ol blesing blong hem.

Filipino church members during a sacrament meeting.

From se God i putumbak prishud blong Hem tru long Josef Smit, yu save kasem baptaes, mo yu save kasem presen we i Tabu Spirit. Yu save lukaotem ol prishud blesing blong yu kam oraet bakegen, blong yu gat pis long tingting, blong i lidim yu. Yu save mekem ol tabu kavenan we i joenem yu mo God. Mo yu save riniu ol kavenan blong yu evri wik taem yu kakae sakramen. Tru long ol odinens blong prishud, paoa blong God i save kam insaed long laef blong yu (luk long D&C 84:20–21). I no gat wan long olgeta samting ia bae i posibol sapos i no from wok we i bin kamtru long Josef Smit.

5. Yu fri long adiksen long ol samting we oli spolem yu.

Two young men in DR Congo playing basketball.

O, i save hapen sapos yu obei long revelesen we Josef Smit i givim long yia 1833—longtaem bifo oli pruvum long saens se tabak i save givim kansa mo alkol i givim sik blong liva. Taem yu gat wan profet i stap we i stap talemaot waes tingting blong God, ?from wanem nao bae yu wet long waes tingting blong wol i talem sem samting? Tok blong Waes i soem se God i kea, i no long spirit blong yumi nomo, be tu, long bodi blong yumi (luk long D&C 89). Long en blong dei, olsem we ol revelesen blong Josef Smit oli soemaot, blong gat wan bodi, i mekem se yumi moa olsem Papa blong yumi we i stap long Heven, we Hem tu i gat wan bodi blong mit mo bun, be i no olsem wan nara samting moa (luk long D&C 130:22).

6. Yu save kam blong save trutok yuwan tru long Tabu Spirit.

A young Polynesian woman kneeling in prayer beside her bed.

Taem yang Josef i go insaed long Tabu Bus long yia 1820, bilif we i bin stap long medel blong plante jos i we, revelesen i wan samting we i blong bifo. Fas Visen blong Josef i pruvum sem hemia i rong. Ol heven oli open—i no long ol profet nomo. Eniwan we i gat wan kwestin i save kasem ansa tru long prea wetem tingting i stap daon, mo i tru (luk long D&C 42:61; 88:63). Eksampol. Yu save faenemaot yuwan se Josef Smit i wan profet blong God, long semfala wei nomo we Josef i faenemaot trutok: askem long God Hemwan.

Lis ia i wan stat nomo. ?Wanem nao bae yu ademap? ?Olsem wanem laef blong yu i defren from Josef Smit?

Ol Not

  1. Luk long Teachings of Presidents of the Church: Joseph Smith (2007), 37–l44.

  2. Luk long “Mi Pikinini blong God,” Singsing Tabu mo Singsing blong Ol Pikinini, pej 58.