Manatu Mo Afiafi Faaleaiga

O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni manatu nei se lua.

“Ua Naunau Ia Te Oe,” itulau 57: E pei lava o upu o le viiga “Ua Naunau ia te Oe” lea na fesoasoani ia Pak Mi-Jung e filifili e papatiso, e mafai foi e viiga ona i ai se aafiaga mamana i o tatou olaga. Manatu i se taimi sa faamanuiaina ai lou olaga i upu o se viiga, ma mafaufau e faasoa i lou aiga lea aafiaga. Valaaulia tagata taitoatasi o le aiga e filifili se viiga e sili ona fiafia i ai, ma faamatala pe na faapefea ona faamanuiaina ai lona olaga. Ona usuusu faatasi lea ma lou aiga ia viiga taitasi. (E mafai ona fai le mea lea mo ni nai vaiaso.)

“Tatalo ma Falelotu,” itulau 68: A uma ona e faitauina le tala lea, faaali ni ata pe ta’ua foi ni falesa eseese o le tou nuu, ma talanoa e uiga i fesili nei ma lou aiga: O a ni mea e tutusa ai i tatou ma isi lotu? O le a se lagona o le Tama Faalelagi mo Ana fanau uma? E faapefea ona tatou taulimaina tagata o isi talitonuga? Mafaufau e faaaoga le tala “Faapaleniina o le Upumoni ma le Faapalepale” saunia e Elder Dallin H. Oaks o le Korama a Aposetolo e Toasefululua (Liahona, Fep. 2013, 28–35) e fesoasoani ai e tali fesili nei.