O le a le tele o faatosinaga a Satani i o’u mafaufauga?

Ua faamautinoa e le Tama Faalelagi ua i ai lo tatou faitalia, o le gafatia e filifili ai le lelei po o le leaga. Na te le faamalosia i tatou e faia mea lelei, e le mafai foi e le tiapolo ona faamalosia i tatou e faia mea leaga (tagai O Aoaoga a Peresitene o le Ekalesia: Iosefa Samita [2007], 227).

O le mea lea, a oo i ou mafaufauga, e tusa le faatosinaga a le tiapolo ma le mea ua e ioe e tuuina atu ia te ia. Na saunoa le Perofeta o Iosefa Samita, “E le mafai e Satani ona maileia i tatou i ana faatosinaga sei vagana ua tatou ioe i o tatou lava loto ma gauai atu i ai” (O Aoaoga: Iosefa Samita, 227). Na ia saunoa foi, “O le tiapolo e leai sona mana ia i tatou sei vagana ua tatou faatagaina ai o ia” (227).

E le gata i lea, ua ta’u mai i tusitusiga paia e faapea “e leai lava se tasi ae ua nao le Atua ua ia silafia ou mafaufauga ma faamoemoega o lou loto” (MF&F 6:16), o le mea lea, e le iloa tonu e Satani mea na e te mafaufau i ai. Na ona ia mafai ona ofoina mai o faaosoosoga ma faatosinaga. Ae afai e te filifili e mulimuli ai, ona ia maua lea o le malosi e sili atu nai lo oe ma atili ai ona malolosi faaosoosoga. E faapena foi, afai e te teena le leaga ae filifili le lelei, o le a faamalosia oe ma faamanuiaina.