Autalavou
Se Sara mo Se Isi
E alaala le tusitala i Iuta, ISA.
E masani ona faigata ia te au ona faaaoga o’u talitonuga e tali atu ai i se fesili faigofie e pei o le “Aisea e te le inu kofe ai?” I taimi ua fano, ou te faia ai ni ’alofaga e pei o le “E oona tele” po o le “ou te le manao i lona tofo.”
Aisea sa ou maasiasi ai? Aisea sa ou matua fefe ai e tu atu mo mea ua ou talitonu i ai? Pe a ou tou tepa nei i tua, ou te le malamalama lelei po o le a le mea sa ou fefe i ai. Ae ou te manatua lelei le taimi na ou le toe lafi ai i a’u ’alofaga.
I se tasi aso i le vasega o le Igilisi i le aoga maualuga, sa faasilasila mai ai e le faiaoga o le a matou matamata i se ata i le TV sa ou iloa e le tatau ona ou matamata ai. A o pati fiafia tamaiti, sa sii le lima o Sara ma faanoi pe mafai ona alu i fafo.
Ina ua fesili le faiaoga pe aisea, sa na ona tali faigofie atu o Sara, “Ona o a’u o se Mamona ma ou te le matamata i ni ata e masoa le gagana.”
Sa maoae lona lototele e tu atu i luma o le vasega. Faafetai lava ia Sara, sa ou tu foi i luga ma faatalitali i fafo ma se lagona fuatiaifo mama seia uma le ata.
Sa ou suia e faavavau. Sa amata ona ou faamatalaina o’u talitonuga nai lo le ’aloese mai le mataupu. O le mea na oo i ai, sa ou maua le talitonuga mautinoa mo a’u lava ia, ma ua faatele ona ou auai i gaoioiga a le Lotu faapea le aoga.
Ou te le’i ta’uina lava ia Sara le aoga tele o lana faataitaiga mo au, ae ua ou taumafai e mulimuli i lana faataitaiga o le talitonuga mautinoa. Ua ou iloa nei o le avea ai o se tagata o le Ekalesia matagofie, paia a le Atua, e matuai leai lava se mea e maasiasi ai. Ou te faamoemoe, o le a mafai, e ala i a’u faataitaiga ona avea ma se Sara mo se isi.