Brian K. Ashton

Karua ni Daunivakasala ni Mataveiliutaki Raraba ni Matawilivola ni Sigatabu

A kacivi o Brother Brian K. Ashton me laki veiqaravi ki na mataveiliutaki raraba ni Matawilivola ni Sigatabu ena gauna sa vakacavara tiko kina na nona veiqaravi vaka-peresitedi ni Tabana ni Kaulotu e Texas Houston South. A vakaraitaki na veikacivi oqo ena June, ka a tokoni sara ena koniferedi raraba ni Okotova 2015.

Ena tomana tikoga o Brother Tad R. Callister me peresitedi raraba, kei Brother Devin G. Durrant, ka a ikarua ni daunivakasala vakatekivu mai na Epereli 2014, sa na imatai ni daunivakasala.

Na itutu ena mataveiliutaki a vakalala toka o John S. Tanner ni sa laki taura na itutu ni peresitedi ni Brigham Young Univesiti–Hawaii.

A sucu o Brian Kent Ashton mai Provo, Utah, Amerika ena 1969 mai vei rau o Kent kei Vicki Brown Ashton. Sai koya na ulumatua ni ciwa na gone. E nanumi rau nona itubutubu ni rau qasenivuli tudei ni kosipeli ena nodratou itikotiko.

A laki kaulotu tudei o Brother Ashton ki na Tabana ni Kaulotu e Peru Lima South. Na nona lewa me kaulotu a vakauqeti mai na dua na itokani vinaka a vakauqeti me tukuna vua ni dodonu me na laki kaulotu. Ni sa vakaraitaka na lomana na itokani oqo, a vakila o Brian na veivakadeitaki ni Yalotabu. Ni sa kaulotu tiko a sotava dredre na veimate eso ni sa kacivi me laki peresitedi ni dua na tabana levu. Ena gauna oqo, a masu tikoga vagumatua vua na Tamada Vakalomalagi me na vukei. “Au sa vulica meu vakararavi ga Vua, ka sa vukei au mai o Koya,” “Niu vulica meu vakararavi Vua sa veisautaka na ka kece sara ga.”

Ni oti na nona kaulotu a laki vuli ki na Brigham Young Univesiti, ka sotavi Melinda Earl kina, ka laki watina e muri. Ni bera ni rau vakamau, a laki kaulotu taumada o Melinda ki na Tabana ni Kaulotu e Spain Malaga ka laki cakacaka o Brother Ashton ki na ra-e-loma kei Amerika. Ni oti na kaulotu nei Melinda rau sa qai vakamau ena Valetabu e St. George Utah. E vitu na luvedrau.

A taura o Brother Ashton na nona diqiri cecere ni qaravi ni bisinisi mai na Harvard Univesiti, ka vuli veiqaravi vuniwai o Sister Ashton. E daunibisinisi o Brother Ashton ka sa vakaduria e vica na nona kabani.

A veiqaravi taumada tu mai o Brother Ashton vaka-bisopi, leweni matabose e cake, peresitedi ni kuoramu ni italatala qase, ka qasenivuli ni Vunau ni Kosipeli.