iVola Tabu vaka YDE ena vosa vaka-Potukali

Sa vakarautaki tu e dua na iVola Tabu vaka-YDE ena vosa vaka-Potukali ena onolaini ena Sepiteba ena AsEscrituras.lds.org vakakina ena vakayagataki raraba ni Gospel Library. Era sa tu talega na gacagaca eso, me vakataka na ePub kei na kena ena PDF. Sa na vakarautaki tiko na kena me tabaki vakaivola ena Maji 2016, kei na kena me rogoci kei na Braille ena 2016.

Na kena ka vou, ka vakatokai na Bíblia Sagrada, Almeida 2015, e yavutaki tiko ena kena a tabaki ena 1914 ni ivakadewa ni iVola Tabu ni João Ferreira Annes de Almeida, ka a digitaki ena vuku ni cecere ni kena vakadewa. Ena nodratou ivakasala na Mataveiliutaki Taumada kei na Kuoramu ni iApositolo Le Tinikarua, era a cakacaka kina me lima na yabaki e dua na timi mai na Vakaitutu Raraba, Vitusagavulu ni iWasewase, kenadau ena vosa, kei ira na lewe ni Lotu mera raicalesu ka vakarautaka na ilavelave ni YDE. E voleka ni 1.4 na milioni na lewe ni Lotu era vosa vaka-Potukali.