Era sa Lewena na iLiuliu ni Marama na Matabose ni Lotu

Sa sureti ira tiko na marama na Lotu mera mai vakaitavi ena tolu na matabose cecere veiliutaki.

Ena veiqaravi tiko o Sister Linda K. Burton, na peresitedi raraba ni iSoqosoqo ni Veivukei, ena Matabose Cecere ni Matabete kei na Matavuvale (vakatokai taumada me Matabose Cecere ni Matabete). Ena veiqaravi tiko o Sister Bonnie L. Oscarson, na peresitedi raraba ni Goneyalewa, ena Matabose Cecere ni Kaulotu. Ka na veiqaravi tiko o Sister Rosemary M. Wixcom, na peresitedi raraba ni Lalai, ena Matabose Cecere ni Valetabu kei na Tuva Kawa.

E dina ga o ira na marama ena mataveiliutaki raraba ni iSoqosoqo ni Veivukei, Goneyalewa, kei na Lalai era sa dau cau vakawasoma tiko ka vakasalataka tiko na veimatabose oqo ena vuqa na yabaki sa oti, na veisureti oqo e vakarautaka na tomani tiko ni ilesilesi ena matabose.

Mai na imawi: Rosemary M. Wixom, peresitedi raraba ni Lalai; Bonnie L. Oscarson, peresitedi raraba ni Goneyalewa; Linda K. Burton, peresitedi raraba ni iSoqosoqo ni Veivukei.