Vakarautaki ni Nodra Vukei na Tamata Ravuti

Sa tomana tikoga na LDS Charities, na liga ni veivukei vakamata tamata ni Lotu, me vakarautaka na veivukei ena veivanua era sa vakaleqai tu kina e vuqa na tamata mai na veileqa lelevu. Oqo e tolu na kena ivakaraitaki:

Na veivaluvaluti mai Ukarain era sa tu vakaloloma kina e milioni na tamata vakatekivu mai na 2014. E onosagavulu na pasede vei ira oqo era sa qase sara. Sa dodoliga yani na LDS Charities ki na Parokaramu ni Veivakatorocaketaki ni United Nations ena dua na sasaga ni veivakacokotaki vata kei ira na veimataisoqosoqo sega ni vaka-matanitu mera vukei o ira na dravudravua kei na qase sara era sa tu vakaloloma. A vakarautaka na LDS Charities na iyaya ni tiko savasava vakayago, iyaya ni vale ni vakacegu, kei na kakana ni tolu na vula me soli ki na 37 na veivanua ni veivakacokotaki ka na qaravi ira e 13,000 na tamata.
Vakatekivu mai na Janueri, e sivia e 350,000 na tamata ravuti era sa dro mai na veivaluvaluti vakamata tamata mai Syria ka ra sa laki kere bula ki Iurope, ka namaki na iwiliwili oqo mena tubu cake sara ena mua ni yabaki. Sa duavata kina na LDS Charities kei ira na veimataisoqosoqo sega ni vakamatanitu e vuravura, veiliutaki vakamatanitu, kei ira na mata ni matanitu me sotavi kina na nodra gagadre na tamata ravuti ka sa vakarautaka talega kina na ivurevure baleti ira na veiivavakoso ni Lotu ena veivanua mera vakayagataka ena nodra sasaga ni veivukei.
E na kena gadrevi me vakarautaki na veivakavaletaki vinaka ena keba ni tamata ravuti e vuravura raraba, sa vakaitavi tiko kina na LDS Charities ena United Nations High Commission me baleta na veivakatorocaketaki ni Tamata Ravuti. Sa bulia kina e dua na daubuli iyaya rogo levu e dua na vale e vinaka cake mai na valelaca. Na vale oqo e tiko na kena katuba kei na katubaleka me veitaqomaki kina ka kaukauwa cake na kena delavuvu mera taqomaki na vakayagataka mai na draki ca. Sa na vakarautaki tiko e 333 na veivakavaletaki mai vei iratou na LDS Charities ena dua na keba ni tamata ravuti mai Iraqi Kurdistan.