Naʻe Loto-Toʻa ʻa ʻApinetai

Naʻe fakahā ʻe ʻApinetai ki he kau Nīfaí ʻoku fie maʻu ʻe he Tamai Hēvaní ke nau fakatomala. Naʻe ʻikai ke fie fakatomala ʻa e Tuʻi ko Noá mo ʻene kau taulaʻeikí, pea naʻa nau fakamanamanaʻi ke fakalaveaʻi ʻa ʻApinetai. Ka naʻá ne talangofua ki he Tamai Hēvaní pea hokohoko atu ʻene malangá. Te ke lava fēfē nai ʻo lototoʻa hangē ko ʻApinetaí?

Hili e lotú he Sāpate ʻe taha, naʻá ku ʻalu mo ha ngaahi kaati-tufa ki ʻapi. Naʻe ʻi ai haʻaku kaungāmeʻa ʻi he akó naʻe ʻikai kau ki he Siasí, pea ne u fie maʻu ke ʻoange ha kaati kiate kinautolu ʻi he ʻaho hono hokó. Naʻe kamata ke u kiʻi ongoʻi tailiili he pō ko iá, ko ia ne u tūʻulutui hifo ai ʻo fai ha lotu. Ne u ongoʻi lelei mo loto-toʻa ange, pea ʻi he ʻaho hono hokó ne u ʻoange ʻa e ngaahi kātí ki hoku kaungāmeʻá. Naʻa nau fuʻu saiʻia ʻaupito ai, pea naʻá ku ongoʻi fiefia ʻaupito ʻi heʻeku ʻoange e ʻū kātí kiate kinautolú.

ʻEva M., taʻu 8, ʻIutā, USA