ʻOku ou Ongoʻi …
ʻE lava ʻe he ngaahi kaati folofola ko ʻení ʻo langaki hoʻo moʻuí ʻi he taimi ʻokú ke lotomamahi aí.
Neongo pe ko e hā okú ke ongoʻí, ʻoku ʻafioʻi koe ʻe he ʻOtuá, ʻofa ʻiate koe, pea tokaimaʻananga ki he meʻa ʻokú ke fouá. Ko hono moʻoní, ʻokú Ne ʻofa lahi ʻiate koe ko ia naʻá Ne fekauʻi mai Hono ʻAlo ko Sīsū Kalaisí, ke fakahoko ʻa e Fakaleleí kae lava ke ke ikunaʻi ʻa e ngaahi faingataʻá, pea fiefia, mo foki hake ke toe nofo fakataha mo Ia (vakai, Sione 3:16). Mahalo ʻoku ʻikai ngali faingofua ʻi he taimi ʻokú ke ongoʻi lotomamahi aí, ka ʻoku ʻi ai ha feituʻu te ke lava ai ʻo maʻu ha tokoni: ko e folofolá.
ʻOku fakamatalaʻi ʻe he ngaahi kaati ko ʻení ha ngaahi sīpinga maʻongoʻonga mei he folofolá ʻokú ne fakahaaʻi mai ʻa e founga ʻoku ʻi ho tafaʻakí maʻu pē ai ʻa e ʻOtuá. Ko ia ʻi ha taimi pē ʻokú ke ongoʻi lotomamahi, taʻelata, pe lōmekina aí, te ke lava ʻo toʻo hake e ngaahi kaati ko ʻení, kumi e ngaahi potufolofola kuo lisi atú, pea ʻiloʻi ʻoku ʻiate koe ʻa e ʻOtuá.
Fakahinohinó: Kosi ʻa e ngaahi kaati ko ʻení pea fakatahaʻi kinautolu ʻi ha foʻi mama ki he pepa moveteveté, afo pe līpine. ʻE lava ke ke fakamilemilaʻi fefeka kinautolu pe faʻo ʻi ha milemila maluʻi ke nau tolonga. Te ke lava ʻo download ha ngaahi tatau lahi ange maʻá e kaungāmeʻá pe fāmilí ʻi he liahona.lds.org.
Loto-mamahi
Naʻe ongoʻi ʻe Kalaisi ʻa e mamahi kotoa pē te u aʻusiá, kae lava ke Ne fakafiemālieʻi au.
Tokāteline mo e Ngaahi Fuakavá 121:1–9: Naʻe ongoʻi hohaʻa lahi ʻa Siosefa Sāmita lolotonga ʻene ʻi he Fale Fakapōpula Lipetií he naʻá ne faingataʻaʻia pea mo e kāingalotu ʻo e Siasí. Naʻá ne lotu peá ne maʻu ha fakapapau. ʻE ʻiate au ʻa e ʻOtuá ʻi he taimi te u tafoki ai kiate Ia ke maʻu ha fakafiemālié.
Ngaahi Potufolofola Kehé:
Manavahē
Naʻe ikunaʻi ʻe Kalaisi e meʻa kotoa pē, ko ia ʻoku ʻikai ha meʻa ke u manavahē ki ai.
Maʻake 4:36–41: Naʻe manavahē ʻa e kau ākongá ʻi he taimi naʻa nau ʻi he vahá aí ʻi he lotolotonga ʻo ha matangi mālohi. Naʻe fakanonga ʻe Kalaisi ʻa e matangí ʻaki ʻa e fekau “Fiemālie, peá ke tokalelei.” ʻI he taimi ʻoku ou manavasiʻi aí, ʻoku ou ui ki he ʻEikí, pea te Ne tokoniʻi au ke u ongoʻi nonga.
Ngaahi Potufolofola Kehé:
Puputuʻu
ʻOku ʻafioʻi ʻe he ʻEikí ʻa e founga ke fakaleleiʻi ʻaki ʻa e palopalema kotoa ʻoku ou fehangahangai mo iá, ko ia te u lava ʻo fakafalala ki Heʻene Fakaleleí.
Siosefa Sāmita—Hisitōlia 1:5–20: Naʻe ongoʻi puputuʻu ʻa Siosefa Sāmita pe ko fē ʻa e siasi ʻoku totonu ke ne kau ki aí. Naʻá ne kole ki he ʻOtuá peá ne maʻu ha tali, ʻa ia ne iku ki hono Fakafoki Mai ʻo e Siasi ʻo e ʻEikí. ʻI he taimi ʻoku ou ongoʻi puputuʻu aí, ʻoku ou lotu ki he ʻOtuá, pea te Ne tali mai.
Ngaahi Potufolofola Kehé:
Halaia
Naʻe toʻo ʻe he Fakamoʻuí ʻeku ngaahi angahalá kiate Ia koeʻuhí ke fakamolemoleʻi mo fakatauʻatāinaʻi au mei he mamahí mo e ongoʻi halaiá.
ʻAlamā 36:16–21: Naʻe fai ʻe ʻAlamā ko e Siʻí ha ngaahi angahala mamafa, ka naʻe kei lava pē ʻo fakamolemoleʻi pea toʻo atu ʻa e kavenga ʻo ʻene ongoʻi halaiá. Te u lava ʻo maʻu e nonga ʻoku fakamatala ki ai ʻa ʻAlamaá ʻi he fakatomala.
Ngaahi Potufolofola Kehé:
Loto-foʻi
Te u lava ʻo ikunaʻi ʻa e loto-foʻí ʻi heʻeku feinga ke mahino kiate au ʻa e Fakalelei ʻa Kalaisí pea fakaʻaongaʻi Hono mālohí.
ʻAlamā 26:27: Naʻe fakamanatu ʻe ʻĀmoni ki hono kāingá ko e taimi ko ia naʻa nau ongoʻi loto-foʻi aí, naʻe fakafiemālieʻi kinautolu ʻe he ʻEikí pea talaʻofa ange te Ne tuku ke nau ikuna. ʻOku fai ʻe he ʻOtuá ʻa e talaʻofa ko iá kiate au ʻo kapau te u tafoki kiate Ia.
Ngaahi Potufolofola Kehé:
Ongoʻi Lōmekiná
ʻOku ou lava ʻo maʻu ʻa e tui mo e mālohi ke kātekina ʻa e meʻa kotoa pē ʻi he Fakalelei ʻa Sīsū Kalaisí.
Mōsaia 24:13–15: Naʻe ngāue pōpula ʻa e kakai ʻo ʻAlamaá ki ha taki fai angahala. Naʻa nau lotu pea nau maʻu ha mālohi ke fuesia e ngaahi kavengá. ʻI he taimi ʻoku ou ongoʻi lōmekina aí, ʻe fakamālohia au ʻe he ʻOtuá foki.
Ngaahi Potufolofola Kehé:
Loto Veiveiuá
Te u lava ʻo maʻu ha tali ki heʻeku ngaahi fehuʻí ʻi he ongoongoleleí pea falala ki he Fakamoʻuí ke tokoniʻi au ke ikunaʻi ha veiveiua.
Sēmisi 1:5-6: ʻOku fakalotolahiʻi au ʻe Sēmisi ke fehuʻi ki he ʻOtuá ʻo kapau ʻoku ʻikai ke mahino kiate au, ka ʻokú ne naʻinaʻi mai ke u fehuʻi ʻi he tuí. Naʻe mahino kiate Ia ʻoku tataki ʻe hono fai e ngaahi fehuʻí ki ha holi ki ha mahino, ka ʻoku takiekina ʻe he loto veiveiuá ki he taʻetuí.
Ngaahi Potufolofola Kehé:
Loto-mamahí
ʻOku lava ʻe he ʻaloʻofa ʻa Kalaisí ʻo ʻomi ʻa e faʻa kātaki ke ikunaʻi ʻaki e loto-mamahí ʻiate au mo e niʻihi kehé.
2 Nīfai 4:16–35: Naʻa mo Nīfai, neongo ʻene faivelengá, naʻá ne loto-mamahi ʻiate ia. ʻI he taimi ʻoku ou feinga ai ke ikunaʻi hoku ngaahi vaivaí, fakakakato ha ngāue, pe matuʻuaki e ngaahi ʻahiʻahí, ʻe lava ke u maʻu ʻa e fiemālié ʻi heʻeku ʻiloʻi ʻe tokoni mai ʻa e ʻOtuá kiate au mo ʻomi ha nonga.
Ngaahi Potufolofola Kehé:
Taʻemahuʻinga
Naʻe mamahi ʻa Kalaisi maʻaku koʻeuhí ʻokú Ne ʻofa ʻiate au pea ʻokú ne ʻafioʻi hoku mahuʻinga taʻefakangatangatá.
Luke 15:3–7: ʻOku fakahaaʻi ʻe he talanoa fakatātā ʻo e sipi heé ʻe fai ʻe he Tauhisipi Leleí, ʻa Sīsū Kalaisi ha meʻa pē ke maʻu ha sipi ʻe taha ʻoku hē. ʻOku ou mahuʻinga fau ki he Tamai Hēvaní pea mo Sīsū Kalaisi ʻo Na ʻomi ai ha hala ke u foki hake kiate Kinaua pea hoko ʻo hangē ko Kinauá.
Ngaahi Potufolofola Kehé:
Puke
ʻOku ʻafioʻi ʻe he ʻEikí e founga ke tokoniʻi ai aú pea koeʻuhí ko Ia, ʻe fakamoʻui au ʻi ha ʻaho mei hoku ngaahi mahakí.
Luke 8:43–48: Naʻe fakamoʻui ʻe Sīsū e kakai tokolahi lolotonga ʻEne ʻi he māmaní. ʻE lava ke fakamoʻui foki mo au. Mahalo he ʻikai hoko mai ʻa e fakamoʻuí he taimi pē ko iá pe ʻi he moʻuí ni, ka te Ne fakafiemālieʻi au (ko ha founga ʻo e fakamoʻuí) peá ne fakamoʻui kakato au ʻi he Toetuʻú.
Ngaahi Potufolofola Kehé:
Ongoʻi Tuenoa
Koeʻuhí naʻe fuesia ʻe Kalaisi ʻa e Fakaleleí maʻaku, ʻoku ʻikai leva ke u toe kātekina tokotaha ha faʻahinga ʻahiʻahi pē.
Siope 1:21–22: Naʻe fuesia ʻe Siope e ngaahi meʻa fakamamahi lahi, ʻo kau ai e pekia ʻene fānaú. Naʻá ne kātekina ʻaki ʻene falala ki he ʻEikí. ʻI heʻeku tafoki ki he ʻEikí ʻaki ʻeku feinga ke u ʻilo Iá, te u ʻilo ai ʻoku ʻikai ʻaupito ke u teitei tuenoa koeʻuhí he ʻokú Ne ʻiate au.
Ngaahi Potufolofola Kehé:
Ongoʻi Vaivai
ʻE ʻomi kiate au ʻe he ʻaloʻofa ʻa Kalaisí e mālohi ke u ikunaʻi ʻaki e ngaahi faingataʻa naʻa mo e taimi ʻoku ou ongoʻi vaivai aí.
ʻAlamā 2:27–31: ʻI he taimi naʻe ʻi he taú ai ʻa e kau Nīfaí, naʻa nau tafoki ki he ʻEikí pea naʻá Ne fakamālohia kinautolu. ʻI heʻeku fehangahangai mo e ngaahi tau fakalaumālie mo fakaeongo kehekehé, mahalo te u ongoʻi vaivai, ka ʻe fakamālohia au ʻe he ʻEikí.
Ngaahi Potufolofola Kehé:
Loto Lavea
ʻE lava ʻo fakamoʻui ha faʻahinga loto lavea pē ʻo fakafou ʻi he Fakalelei ʻa Kalaisí, pea ʻe fakalotoa au ʻe Heʻene ʻofá ke u fakamolemoleʻi e niʻihi kehé.
1 Nīfai 7:6–21: Naʻe haʻi ʻe Leimana mo Lēmiuela ʻa Nīfai mo fakamanamana ke liʻaki ia ʻi he feituʻu maomaonganoá. Naʻe lotu ʻa Nīfai pea ʻi he tokoni ʻa e ʻEikí, naʻe fakatauʻatāinaʻi ia peá ne fakamolemoleʻi hono ongo taʻoketé. Te u lava foki ʻo lotu, ongoʻi nonga, mo maʻu ha mālohi ke fakamolemolé.