Ngaahi Talanoa ʻo e Tohi ʻa Molomoná

ʻOku Akoʻi ʻe he Tuʻi ko Penisimaní Hono Kakaí

Mei he Mōsaia 2–5.

Pehē tokua naʻe ʻi ai ha tuʻi lelei naʻe ui ko e Tuʻi ko Penisimaní. Naʻá ne akoʻi hono kakaí ke nau muimui ki he ʻOtuá kae lava ke nau maʻu ʻa e melinó.

Naʻe fakaʻau ke motuʻa ʻa e Tuʻi ko Penisimaní. Naʻá ne foaki ki hono foha ko Mōsaiá ʻa e folofolá mo e kāpasa ne ʻiloa ko e Liahoná. Naʻá ne fie maʻu ke ne tokangaʻi lelei e ngaahi meʻa mahuʻingá ni.

Naʻe fie maʻu ʻe he Tuʻi ko Penisimaní ke talanoa ki hono kakaí, kimuʻa peá ne maté. Naʻá ne kole ange ke nau haʻu ki he temipalé.

Naʻe haʻu ʻa e kakaí mei he tapa kotoa pē ʻo e fonuá. Naʻa nau fokotuʻu honau ngaahi fale fehikitakí mo honau fāmilí. Ko e hā nai ʻe talaange ʻe he tuʻí kiate kinautolú?

Naʻe sio hake ʻa e kakaí ʻo vakai ki he tuʻí ʻoku tuʻu ʻi ha funga taua. Naʻe kamata leva ke lea mai e tuʻí.

Naʻe fakahā ʻe he Tuʻi ko Penisimaní e finangalo ʻo e Tamai Hēvaní ki he kakaí ke nau ʻiloʻi. Naʻá ne talaange kiate kinautolu fekauʻaki mo Sīsū Kalaisi. Naʻá ne talaange kiate kinautolu ke nau tauhi e ngaahi fekaú mo tokoniʻi e kakai kehé. Pea ʻe ui leva ʻa kinautolu ko e kau muimui ʻo Kalaisí. Pea te nau lava ke toe nofo fakataha mo e Tamai Hēvaní!

ʻI he ʻahó ni ʻoku akoʻi mai ʻe he palōfitá e finangalo ʻo e Tamai Hēvaní ke tau ʻiloʻi kae lava ke tau toe nofo fakataha mo Ia.