Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

“Ko e founga hono Langa ʻo e Uouangatahá,” peesi 61: ʻOku fakamanatu mai ʻe Palesiteni ʻAealingi kiate kitautolu ko e founga ʻe taha ʻe lava ke tau fatu ʻaki e uouangatahá ko e lea lelei ki he taha kotoa pē. Te ke lava ʻo akoako ʻa e lea ʻofá ʻaki hano fakatātaaʻi ha ngaahi tūkunga pea tuku ai ki he kau mēmipa ʻo e fāmilí ke ʻomi ʻenau fakakaukaú fekauʻaki mo e niʻihi kehé. Te ke lava ʻo fakaʻaongaʻi ha ngaahi fehuʻi hangē ko e “ʻOku fēfē ho tokouá?” pe “ʻOkú ke saiʻia ʻi hoʻo faiako Lautohi Faka-Sāpaté?” Talanoa ki ha ngaahi founga ʻe lava ai ke ke lea ʻofa ange ki he taha kotoa pea toe uouangataha ange ai ʻa e fāmilí. Te ke lava ʻo fakaʻosi ʻaki hoʻomou efiafi fakafāmili ʻi ʻapí hono hivaʻi e “Kapau te Tau Feʻofoʻofani” (Ngaahi Himí, fika 142).

“Ko ha Mataʻitofe Moʻoni,” peesi 66: Fakakaukau ki hano fakahoko ha fakatupulaki talēniti fakafāmili. Te ke lava ʻo hiki ha ngaahi talēniti kuo ʻosi fakatupulaki pe fie fakatupulaki ʻe he kau mēmipa ʻo e fāmilí. Te ke ala fakakaukauʻi foki ha ngaahi fakakaukau ki hono fakaleleiʻi mo fakaʻaongaʻi e ngaahi talēniti ko iá. Te ke lava ʻo fehuʻi, “Ko hai ʻi hotau fāmilí, uōtí, pe feituʻú ʻe ala ʻaonga ki ai e ngaahi talēniti hotau fāmilí?” Fakakaukau ke fokotuʻu ha palani ke fakatupulaki mo fakaʻaongaʻi ho ngaahi talēnití ke tokoni ki he Tamai Hēvaní ʻo hangē ko ia ne fai ʻe Seta ʻi he talanoá.