Sitepu ʻe Taha Ofi Ange ki he Toetuʻú

Te ke lava ʻi he uike takitaha he māhiná ni ʻo ako lahi ange mo ho fāmilí fekauʻaki mo Sīsū mo ʻEne Toetuʻú. ʻOkú Ne moʻui!

ʻEkitivitī ki he Uike 1: Naʻe Haʻu ʻa Sīsū ki Selusalema

Folofolá: Mātiu 21:1, 6–11

Hivá: “Hosana ʻo e Toetuʻú” (Liahona, ʻEpeleli 2003; maʻu ʻi he LDS.org)

Paame ʻo e Hosaná: Ngaohi ha lauʻi paame ke fakamanatu atu ʻa e ngaahi lauʻi paame ne taʻataʻalo ʻaki ʻe he kakaí ke talitali ʻa Sīsuú. Tā fakatātaaʻi ha laʻi nima ʻe nima pe ono ʻi ha pepa lanu mata pea kosi (pe fakaʻaongaʻi ha pepa hinehina pea valivali lanu mata kinautolu). Fakapipiki kinautolu ki ha vaʻakau fakameaʻa.

Ko e hā ha founga ʻe taha te ke lava ʻo fakahaaʻi ai hoʻo ʻofa kia Sīsuú?

Uike 2: Naʻe Foaki Mai ʻe Sīsū e Sākalamēnití

Folofolá: Luke 22:1, 14, 19–20

Hivá: “Sīsū Homau Huhuʻí” (Ngaahi Himí, fika 90)

Fakamanatu ʻo e Sākalamēnití: ʻAi ha lisi ʻo e ngaahi lea ke ne fakamanatuʻi atu ʻa e ngaahi meʻa kuo fai ʻe Sīsū maʻatautolú. Tauhi hoʻo lisí ʻi hoʻo folofolá ke ke lava ʻo sio ki ai lolotonga ʻa e sākalamēnití.

ʻE founga fēfē haʻo lava ʻo manatuʻi ʻa Sīsū ʻi ʻapi pe ʻi he akó?

SĀKALAMĒNITÍ

Uike 3: Naʻe Fakahaaʻi ʻe Sīsū ʻa e Angaʻofá

Folofolá: Luke 22:47–51; Luke 23:33–34; Sione 19:25–27

Hivá: “Naʻá Ne Fekau Hono ʻAló” (Tohi Hiva ʻa e Fānaú, 20)

Kato Toetuʻu: Faʻo ʻa e ngaahi meʻa ko ʻení ʻi ha kato ke fakaava ʻi he≈Sāpate Toetuʻú. Te ke ʻilo ʻa e meʻa ke fakahoko ʻakí ʻi he ʻekitivitī ʻo e uike hono hokó:

(1) silini maka ʻe tolu, (2) kiʻi ipu, (3) afo kuo fakapona, (4) koa, (5) fanga kiʻi konga tupenu lanu kulokula, (6) kiʻi kolosi siʻisiʻi faʻu ʻaki e toothpick, (7) konga tupenu hinehina, (8) vaʻa sinamoni pe ko ha ʻakau kehe, (9) kiʻi foʻi maka (10) tupenu hina ʻosi pelupelu, (11) fakatātā ʻo Sīsū.

ʻE founga fēfē haʻo muimui kia Sīsū ʻaki hono fakahaaʻi e angaʻofá?

Uike 4: ʻOkú Ne Toetuʻú!

Hivá: “Naʻe Toetuʻu nai ʻa Sīsū?” (Tohi Hiva ʻa e Fānaú, 45)

Ngaahi Folofolá mo e ʻEkitivitií: ʻI hoʻo lau ʻa e ngaahi potufolofola ko ʻení, toʻo ʻa e ngaahi meʻa ʻoku hoa mei hoʻo Kato Toetuʻú.

(1) Mātiu 26:14–15; (2) Mātiu 26:36, 39; (3) Mātiu 27:1–2; (4) Mātiu 27:22, 24; (5) Mātiu 27:28–29; (6) Mātiu 27:31; (7) Mātiu 27:59; (8) Sione 19:40; (9) Sione 20:1–4; (10) Sione 20:5–7; (11) Sione 20:10–20

ʻOku founga fēfē nai hono hanga ʻe he ʻilo ki he Toetuʻu ʻa Sīsuú ʻo ngaohi koe ke ke ongoʻi fiefia?