Tala o le Tusi a Mamona
Ua Aoao e le Tupu o Peniamina Lona Nuu
Mai le Mosaea 2–5.
I se tasi aso sa i ai se tupu lelei e igoa ia Tupu o Peniamina. Na ia aoaoina lona nuu ia mulimuli i le Atua ina ia mafai ona latou maua le filemu.
Sa oo ina ua toeaina le Tupu o Peniamina. Na ia tuuina atu i lona atalii o Mosaea ia tusitusiga paia ma le tapasa ua taua o le Liahona. Sa manao o ia ia te ia e tausia lelei nei mea taua.
Sa fia talanoa atu le Tupu o Peniamina i lona nuu a o lei maliu. Sa ia tau atu ia i latou e o mai i le malumalu.
Sa o mai tagata mai i le salafa atoa o le laueleele. Sa latou faatutuina o latou faleie ma o latou aiga. O le a le mea o le a tau atu e le tupu ia i latou?
Sa tepa ae tagata i luga ma vaaia ai le tupu o loo tu i luga o se olo. Ona amata lea ona saunoa atu le tupu.
Sa ta‘u atu e le Tupu o Peniamina i tagata le mea e finagalo le Tama Faalelagi ia i latou ia iloa. Sa ia tau atu i tagata e uiga ia Iesu Keriso. Sa ia ta‘u atu ia i latou e tausi i poloaiga ma fesoasoani i isi tagata. Ona taua ai lea o i latou o soo o Keriso. Ma o le a mafai ona latou toe nonofo faatasi ma le Tama Faalelagi!
I le taimi nei o lo tatou perofeta o loo aoao mai i tatou i mea e finagalo le Tama Faalelagi ia tatou iloa ina ia mafai ona tatou toe nonofo faatasi ma Ia.