Tusigāmanatu o le Konafesi o Oketopa 2015
“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38 ).
A o e iloiloina le konafesi aoao ia Oketopa 2015, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.
Na faavae i lo latou “malamalama i le alofa mutimutivale ma le mana o le Alii,” na filifilia e le aiga o Sister Neill F. Marriott “O le a lelei mea uma” e avea ma a latou mau tauave a le aiga. I lou lava aiga, e mafai ona outou talanoaina pe ua faapefea ona faamalosia e le Faaola outou, ona fatu lea o se mau tauave a lou lava aiga. (Tagai i le Neill F. Marriot, “Gauai Atu o Tatou Loto i le Alii,” 30.)
E tuuina mai i konafesi taitasi, e perofeta ma aposetolo ni tali musuia i fesili atonu o i ai i tagata o le Ekalesia. Faaaoga lau lomiga o Novema 2015 pe asiasi i le conference.lds.org
“E le afaina po o a agasala sa tatou faia pe o le a foi le loloto ua tatou goto atu ai i lena lua tautaua. …
“… O le mea e afaina o Keriso o loo faatogaina la tatou mataupu i luma o le Tama … O le mea tonu lena e afaina ma tatau ona aumaia ai ia i tatou uma o le faamoemoe toefaafouina, ma se naunautaiga e toe taumafai tasi lava, aua Na te lei faagaloina lava i tatou.
“Ou te molimau atu o le a le liliu ese lava le Faaola mai ia i tatou pe a tatou saili atu ma le lotomaulalo ia te Ia ina ia tatou salamo; o le a le manatu lava faapea ua leai so tatou faamoemoe e faaleleia atili ai; o le a le faapea mai lava, “Oi leai, lea foi ua e toe sau”; o le a le teena lava i tatou ona o so tatou le malamalama i le faigata ona aloese i le agasala. E malamalama lelei o ia i mea uma. …
“O le salamo … o loo i ai le mana e sii ese ai avega ae sui atu i le faamoemoe.”
Ina ia faitau, matamata, pe faalogo i saunoaga o le konafesi aoao, asiasi i le conference.lds.org.