Pahonoraa no roto mai i te hoê aposetolo

Eaha ta te mau aposetolo e rave ?

Na Elder David A. Bednar

No te Pupu no te Tino Ahuru ma Piti Aposetolo

No roto mai i te haapurororaa na te ao nei, uiuiraa ia elder e te tuahine Bednar.

E mau tavini te mau aposetolo na te Fatu. E tere ratou no te farerei i te mau melo o te Ekalesia na te ao ato’a nei.

Te taime matamua a ratere ai au ei aposetolo, ua farerei au i te hoê taata e mea fifi roa no’na ia ora i te Ture Paari. Ua parau vau iana, « ua tono mai te Fatu ia’u i onei no te horo’a ia oe te hoê parau poro’i ohie roa : ‘E nehenehe oe e rave i te reira. Te fafau atu nei au e farii oe i Ta’na tauturu a faaruru ai oe i teie tamataraa’ ».

E hinaaro anei te Fatu e tono i te hoê o na ahuru ma piti aposetolo i te afaraa purumu o te ao nei no te tauturu i te hoê noa’e taata ? Te pahonoraa, e. E na reira Oia i te mau taime ato’a.

Eaha te hoê Aposetolo ?

A ora ai Iesu i te fenua nei, ua pii Oia 12 taata ei tauturu taa ê No’na. Ua piihia ratou ei mau aposetolo. Ua pii Oia i te mau aposetolo ei mau tauturu taa ê No’na i teie mahana. E faa’ite papû ratou no Iesu Mesia na te Ao ato’a nei. E aposetolo o Elder Bednar.