Feia apî
Te paraparau mai nei te Metua i te Ao ra ia’u na roto i te hoê a’oraa o te amuiraa
Te ora nei te taata papa’i i Sergipe, i Beresiria.
Ua feaa vau i ni’a i te mea ta’u e haapii mai i te fare haapiiraa teitei. Te parau ti’a ore nei te rahiraa o te taata no ni’a i te haapiiraa o ta’u i hinaaro e rave, no reira ua pure au i te Atua no te hi’o e ua tû anei oia e ta’u faaotiraa.
Ua tae mai ta’u pahonoraa i te mahana i muri iho a tai’o ai au i te hoê a’oraa o te amuiraa rahi i roto i te Liahona. E au ra ia’u e te parau mai ra to tatou Metua i te Ao ra ia’u eita e ti’a iana ia ma’iti no’u—e faaotiraa te reira e ti’a ia’u iho ia rave. Ua ite au e eaha te mea ta’u e ma’iti, e ti’a ia’u ia rohi itoito ia manuïa.
Ua ite au e ua pahonohia ta’u pure. Ua tautruru te haapapûraa a te Varua maitai ia’u ia rave i te hoê faaotiraa. Ua haapii mai au ia horo’a i ta’u mau tautooraa maita’i a’e e ia ite e e tauturu mai te Metua i te Ao ra ia’u.