O Se Tala e uiga ia Tala

Saunia e Jill Hacking

Mekasini a le Ekalesia

Talofa, uo!

O lo’u igoa o Tala. Sa ou ola i Turkmenistan. O se atunuu i Asia Tutotonu. Ou te fiafia e faitautusi, tusiata, ma su’isu’i. Ou te fiafia e matamata i fetu ma lo’u tama. Sa na o a’u ma lo’u aiga ia tagata o le Ekalesia i le atunuu atoa!

Tatalo mo Misi

I se tasi aso ina ua mavae se afa tele lava, sa leiloa ai le pusi, o Misi, a la’u uo. Sa matou sueina i le nofoaga atoa, ae sa le mafai ona matou mauaina o ia. Ona ou fai lea i ai e mafai ona matou tatalo. Sa lei mautinoa e a’u uo pe faapefea ona fai, o lea sa ou faaali atu ai ia i latou. Sa matou tootutuli uma i lalo ma fai le tatalo a le tagata lava ia. Ona matou tutu lea i luga ma amata ona toe sue. Sa tamoe mai se teineitiiti ia i matou ma faapea mai ua ia mauaina Misi! Sa ou fiafia ona na ou faasoa atua se vaega o le talalelei i a’u uo.

Aoao mai le Tasi ma le Isi

Sa ma o ma lo’u uso o Sarai i se a’oga e i ai tamaiti mai le tele o atunuu. Sa ma fiafia e aoao mai le tasi ma le isi ma maua le fiafia.

Meataulima ma le fiafia

Sa ma valaauliaina ma Sarai a ma uo e o mai matou te taaalo. Sa matou valivali, faia ni meataulima, ma fai ni tafaoga. I le taimi o le Kerisimasi matou te faatino ai le tala i le fanau mai o Iesu ma a matou uo i le pitonuu.

Lotu i le Fale

Ona na o i matou tagata o le Ekalesia, o lea sa faia ai a matou lotu i le matou fale. Sa faia a matou sauniga faamanatuga, taimi o pesepesega, taimi o fetufaaiga, ma lesona a le Peraimeri. Sa ou taina le piano mo taimi o pesepesega.