Tala o le Tusi a Mamona

Faimalaga atu i le Nuu Folafolaina

Mai le Eteru 2–3; 6

Sa nonofo Iareto ma lona uso i se vanu faatasi ma o la aiga ma uo. Sa asiasi atu Iesu Keriso i le uso o Iareto. Sa Ia faatonuina o ia e fau ni vaa e ave ai lona nuu ma asaina atuvasa e agai atu ai i le nuu folafolaina.

Sa fauina e le nuu ia vaa e aunoa ma ni faamalama. Sa popole le uso o Iareto pe o le a faapefea nei ona latou manava ma vaai. Sa fetalai atu i ai Iesu e tatau ona latou faia ni pu i vaa mo le ea.

Ae faapefea le malamalama? Sa faia e le uso o Iareto ni maa manino se 16. Sa ia ole atu ia Iesu ina ia pa’i i ai Ona tamatama’i a’ao ina ia susulu ai.

Sa vaaia e le uso o Iareto ia Iesu o pa’i Lona tamatama’i a’ao i maa taitasi. Sa matua susulu mai maa. Ona sa matua tele lona faatuatua, sa vaai ai le uso o Iareto ia Iesu Keriso!

Sa auina mai e le Atua ni matagi malolosi e feula atua vaa i luga o le vasa. Ina ua latou taunuu i le nuu folafolaina, sa tatalo le au sa Iareto e faafetai atu i le Atua mo le puipuiina o i latou.

E mafai foi ona pei i tatou o le uso o Iareto pe a tatou faalagolago i le Atua ma faatuatua ia Iesu Keriso.