O Tamaiti e Tutu Maualuga
Faamanuiaga mai ia Blessy
Talofa! O lo’u igoa o Blessy!
Ou te nofo i Initia ma lou aiga. Sa ou fuafuaina se gaoioiga faapitoa o le Kerisimasi mo lau aoga ma faasoa atu le talalelei i au uo!
Faifeautalai Faamisiona Talavou
E aoao mai ou taitai Peraimeri e tatau ona avea i tatou ma faifeautalai. O nisi taimi ou te valaaulia ai au uo i le lotu. O le tele o taimi, latou te fai mai e leai. Sa ou mafaufau atonu ou te laitiiti tele e avea o se faifeautalai.
O Se Lui Faaleaiga
Ona oo lea i le afiafi faaleaiga, sa luiina e Tama lo matou aiga e valaaulia se tagata e toatasi i le lotu i masina uma. Sa ou manao e faia, ae sa faigata! Sa ou fai atu ia Tama mo se fesoasoani. Sa ia fai mai e mafai ona ou tatalo. O lea sa ou faia ai.
O Le Manatu
O le aso na sosoo ai i le aoga, sa fesili mai ai le puleaoga mo ni manatu mo se gaoioiga o le Kerisimasi a le aoga. Sa ou maua se manatu maoae! Sa ou fai atu ia te ia e mafai e tamaiti uma o le vaitausaga o le Peraimeri ona o mai e asiasi i lau lotu. Sa ia valaau i ou matua, ma sa latou talanoa i le epikopo e fuafua ai le gaoioiga. Sa fesoasoani foi a matou taitai o le Peraimeri ma faifeautalai.
O Se Aso Fiafia
Na vave ona oo mai le aso. Sa ou fefe ma fiafia i le taimi e tasi. Ina ua ave au e Tama i le aoga, sa ou vaai sa i ai iina tagata uma ma sauni e o [i le lotu]. Toeitiiti 500 tamaiti aoga ma faiaoga na o mai!
Faatasi i le Lotu
I le lotu sa matou matamata i se vitio e uiga i le soifua mai o Iesu Keriso. Sa lagiina e talavou matutua ma faifeautalai ni pese Kerisimasi. Sa tuuina mai e le epikopo ma lou tama ni lauga e uiga i le auala e alofa ai Iesu i tamaiti ma e uiga i le alofa i le tasi ma le isi. Sa ou tuuina atu se lauga e uiga i le Kerisimasi. Sa maua e tagata uma se taimi lelei! Sa faia foi e lou puleaoga ma lou faiaoga ni fesili i faifeautalai.