Manatu mo Afiafi Faaleaiga

O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“Saunia se Nofoaga mo le Faaola,” itulau 10: Ua faamanatu mai e Epikopo Caussé ia i tatou lo tatou tiutetauave e saunia mo le afio mai o le Faaola. O se tasi o auala e saunia ai se nofoaga mo le Alii o le fesoasoani i tagata o e manaomia se fale. Mafaufau e volenitia atu i se nofoaga mo tagata ua leai ni fale, aoina ni sapali mo tagata sulufai, saili ni tupe e foai atu i le tupe o le fesoasoani alofa a le Ekalesia, po o le faaaofia i gaoioiga auauna atu i lou nuu. Atonu tou te talanoaina ni auala mo se taimi umi e auauna atu ai i tagata na tuua faamalosi o latou aiga, e pei o le atinaeina o faauoga.

“E mafai faapefea ona ou lagona le latalata atu i le Faaola?” itulau 70: O Iesu Keriso o le mafuaaga moni o le vaitau o le Kerisimasi, ae e mafai ona e mafaufau i ni auala e te manatua ai le faataitaiga a le Faaola i le tausaga atoa. E mafai ona tou mafaufau vave i ni auala e fatu ai se aiga e sili ona totonugalemu ia Keriso, e pei o le faaalia o se ata o le Faaola i le tou fale, tauloto mau i vaiaso taitasi e uiga i le Faaola, po o le sili atu ona faaeteete e saunia mo le aso Sapati. Fatu ni fuafuaga e faatino ai ou manatu ma tusi i totonu o lau api talaaga pe faapefea ona fesoasoani au taumafaiga e te latalata atili ai ia Keriso.