E Faapefea ona E Manatua le Faaola i Lenei Vaiaso?

Ua uunaia i tatou e Peresitene Eyring e “filifili e manatua [le Faaola] i le auala e sili atu ona latalata lou loto ia te Ia.”

E faapefea ona e “manatua pea o Ia” i le vaiaso atoa (tagai MF&F 20:77, 79)?

Mata e i ai ni au mau e sili ona e fiafia i ai e uiga i le Faaola? E mafai ona e makaina se mau e ese mai ai i vaiaso taitasi o lenei vaiaso ma faasoa atu i se tasi.

E te peseina se viiga po o se isi pese musuia i lou mafaufau pe a e lagona le faanoanoa? Atonu e te filifilia se pese faapitoa se tasi e uiga i le Faaola i lenei vaiaso.

E te mafaufau loloto i le olaga o le Faaola ma le taulaga togiola i le taimi o le faamanatuga i vaiaso taitasi? E mafai ona e saunia mo le faamanatuga e ala i le toe mafaufau i au filifiliga i le vaiaso atoa e manatua ai pea le Faaola ma salamo i taimi sa e taumafai ai e faia lena mea.

E te tatalo mo avanoa e faasoa atu ai le talalelei i aso taitasi? Taumafai e faia se talanoaga o le talalelei i lenei vaiaso e taulai i le Faaola. E mafai ona e tuuina atu lau molimau e uiga i le Faaola i le taimi o le afiafi faaleaiga pe talanoa i se uo i le aoga e uiga i se aafiaga sa e maua i le lotu.

Faia se sini e manatua le Faaola i se auala faapitoa i lenei vaiaso. Tau atu i se matua, se tei, se taitai, po o se uo e uiga i lau sini. I le faaiuga o le vaiaso, tau atu ia i latou le mea na tupu. O le a oulua maua uma le lagona o le filemu ma le fiafia sa talanoa i ai Peresitene Eyring.