Ang Basahon diha sa Estante

Ni Elder Walter F. González

Sa Seventy

“Siksik, pag-ampo ang pagabuhaton ko” (Songbook sa mga Bata, 66).

Nag-edad ko og 12 sa dihang nakadungog ko mahitungod sa Simbahan ni Jesukristo sa mga Santos sa Ulahing mga Adlaw. Nahimamat nako ang duha ka LDS nga mga misyonaryo sa bus. Mihangyo sila kon makatudlo ba sila sa akong pamilya.

Ang mga misyonaryo nagbilin namo og kopya sa Basahon ni Mormon ug usa ka pamphlet sa pagpamatuod ni Joseph Smith. Ang akong mga ginikanan talagsaon nga mga tawo. Apan wala sila moapil sa Simbahan nianang higayuna.

Ang maong duha ka butang nagpabilin ra sa among estante sulod sa daghang katuigan. Dayon usa ka adlaw sa nag-edad na ko og 18, nangita ko sa among estante og butang nga maayong basahon. Gikuha nako ang Basahon ni Mormon ug mibasa sa unang kapitulo. Usa ka espesyal nga pagbati ang miabut nako samtang ako nagbasa.Aduna koy lahi nga kasinatian diin

ako nasayud nga ang basahon tinuod. Ang Basahon ni Mormon adunay espesyal nga mensahe mahitungod sa Pag-ula ni Jesukristo. Nakat-unan nako ang mahitungod sa akong kaugalingong kinabuhi ug mahitungod sa mga panalangin sa Langitnong Amahan.Sa wala madugay akong nakat-unan nga bisan

og si Joseph Smith nag-edad lang og 14 duna siyay kaisug sa pagbasa sa mga kasulatan ug pagpangutana sa Langitnong Amahan hain nga simbahan ang tinuod.

Sukad nianang higayuna, gisunod nako kanunay ang ehemplo ni Joseph Smith. Gibasa nako ang mga kasulatan ug nanghangyo sa Langitnong Amahan alang sa panabang ug giya. Ang pag-ampo ug ang Basahon ni Mormon importante kaayo nga mga bahin sa akong kinabuhi.

Kon kamo dunay mga problema, basaha ang Basahon ni Mormon ug pag-ampo. Makat-on pa kamo og dugang mahitungod sa ebanghelyo ug makakita sa mga tubag nga inyong gikinahanglan, sama sa akong gibuhat. Hinumdumi unsay inyong bation kon kini inyong buhaton.