Doktrina nga Gihatagan og Gibug-aton
Ang Paghinulsol Gasa sa Dios ngari Kanato
“Usa sa mga termino nga sagad natong mabati karon mao nga ang gugma sa Dios “walay kondisyon.” Samtang sa usa ka pagsabut tinuod kana, ang paghulagway nga walay kondisyon dili makita sa kasulatan. …
“Sa kanunay ang Dios nahigugma kanato, apan dili Siya makaluwas kanato sa atong mga sala. Hinumdumi ang mga pulong ni Amulek ngadto ni Zeezrom nga ang Manluluwas dili moluwas sa Iyang katawhan sa ilang mga sala apan gikan sa ilang mga sala, tungod kay kon naa kana nga sala hugaw kita ug ‘walay hugaw nga butang nga makapanunod sa gingharian sa langit’ [37] o makapuyo sa presensya sa Dios. …
“Gikan sa Basahon ni Mormon atong nakat-unan nga ang tuyo sa pag-antus ni Kristo—sa pinakatalagsaong pagpakita sa Iyang gugma—mao “ang pagpagawas sa mga kasingkasing sa kalooy, diin mobuntog sa kaangayan, ug modala og mga kahigayunan ngadto sa mga tawo nga sila mahimo nga makabaton og hugot nga pagtuo ngadto sa paghinulsol’ [Alma 34:15]. …
“Ang paghinulsol, Iya nga gasa kanato, nga gipalit sa dako kaayong kantidad.”