Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.

“Magmaisugon sa Atong Pagpamatuod sa Manluluwas,” pahina 28: Naghisgot si Elder Golden sa unsang paagi kita moatubang og lisud apan maanindot nga higayon sa atong mga kinabuhi. Kamo mahimong mag-role play og pipila ka mga sitwasyon diin ang mga sakop sa pamilya nag-atubang og mahagitong desisyon. Pananglit, mahimo kamong magpraktis sa pagbalibad sa usa ka classmate kinsa mohangyo nga mangopya sa imong homework o paghangyo og usa ka higala sa paggamit og limpyo nga pulong. Maghisgot kon unsaon ninyo sa pagpangandam sa pagpalambo og lig-on nga pagpamatuod sa Manluluwas sa dili pa moabut ang maong sitwasyon.

“Ang Langitnong Amahan motubag ba kanunay sa akong mga pag-ampo?” pahina 69: Sa unsang paagi inyong nakita nga natubag ang inyong mga pag-ampo? Mahimo kamong mopakigbahin og piho nga mga kasinatian diin ang Ginoo mitubag sa inyong mga pag-ampo, natubag ba kini sa gipaabut o wala paabuta nga paagi. Ikonsiderar ang pag-awhag sa usag usa sa pagrekord diha sa journal sa mga paagi diin ang Ginoo mitubag sa inyong mga pag-ampo ug mipanalangin ninyo.