Unsa man ang posisyon sa Simbahan mahitungod sa depresyon, ug unsaon man nako pag-atubang ang depresyon?

Ang matag usa mobati usahay og kaguol, ug ang napahiuli nga ebanghelyo ni Jesukristo ug ang suporta sa pamilya, mga lider, ug sa uban makatabang kanato nga makakita pag-usab og kahupayan, kalipay, ug kalinaw. Apan ang mga lider sa Simbahan miuyon nga ang grabe nga depresyon, o major depressive disorder (MDD), mao ang usa ka mas seryuso nga kondisyon nga nagpugong sa abilidad sa tawo paglihok sa hingpit. Si Elder Jeffrey R. Holland sa Korum sa Napulog Duha ka mga Apostoles misugyot og daghang butang nga buhaton kon kamo nakasinati og hilabihan nga depresyon:

• Ayaw kawala og hugot nga pagtuo sa Langitnong Amahan ug ni Jesukristo.

• Buhata ang mga butang nga makadala sa Espiritu sa inyong kinabuhi (mag-ampo, magtuon sa mga kasulatan, ug uban pa).

• Magpatambag sa mga ginikanan ug mga lider sa priesthood.

• Mangayo og mga panalangin sa priesthood.

• Moambit sa sakrament matag semana, ug sundon kanunay ang mga saad sa Pag-ula ni Jesukristo.

• Pagmatngon sa mga timailhan sama sa stress kakapoy, ug dayon paghimo og mga kausaban.

• Kon ang imong problema mopadayon, pakigsulti sa mga ginikanan o mga lider sa priesthood mahitungod sa pagpangita og tambag sa sertipikadong propesyonal nga may maayong mga hiyas.

(Tan-awa sa “Sama sa Usa ka Sudlanan nga Nabuak,” Liahona, Nob. 2013, 40–42.)