Mau ʼāʼamu nō Iesu
’Ua hōroʼa mai Iesu ia tātou i te ’ōroʼa
’Ua ʼite Iesu e ’ua fātata Tōna taime i niʼa i te fenua i te hope. ’Ua haʼaputuputu ʼOia i Tāna mau ʼāpōsetolo nō te Tāmāʼaraʼa Hopeʼa. ’Ua hōroʼa ʼOia ia rātou i te ’ōroʼa ’e ’ua ani ia rātou ’ia haʼamanaʼo noa Iāna.
’Ua haere atu Iesu i roto i te hōʼē ō nō te pure. ’Ua māuiui ʼOia nō te mau hara ’e nō te mau mea ʼino i roto i te oraraʼa o te mau taʼata atoʼa. I muri mai ’ua pohe ʼOia i niʼa i te hōʼē sātauro ’e ’ua hunahia i roto i te hōʼē mēnema.
I te poʼipoʼi sābati i muri aʼe i tō Iesu poheraʼa, ’ua haere mai te tahi mau vahine i te mēnema. ’Ua turaʼi-’ē-hia te ʼōfaʼi i te ’ūputa, e ʼaita e taʼata i roto i te mēnema ! Tei hea Iesu ?
’Ua ora faʼahou ʼOia ! ’Ua ʼite mata atu o Maria Magadala ia Iesu. ’Ua fārerei ʼOia i Tāna mau ʼāpōsetolo ’ia ineine rātou i te haʼapiʼi i te ʼevānelia i muri aʼe i Tōna hoʼiraʼa atu i te raʼi.
’Ia ’amu anaʼe au i te ’ōroʼa, e haʼamanaʼo vau ia Iesu. E haʼamanaʼo vau ē ’ua ora ʼOia ’e ’ua pohe ’e ’ua tiʼafaʼahou mai nō’u, e ora fa’ahou ato’a vau !