Te tāviniraʼa ia vetahi ’ē nā roto i te faʼaroʼo

’Ua parau mai te peresideni Uchtdorf ia tātou ē e tiʼa i tō tātou faʼaroʼo i te Atua ’ia « apeʼehia e te ʼohipa ». ’Ua haʼamāramarama ʼoia ē « ia ’āpiti-ana’e-hia tō tātou faʼaroʼo i te ʼohipa tāmau, e faʼa’ī te reira i te vārua i te hau ʼe te here ». Ma te fafauraʼa nō teie haʼamaitaʼiraʼa, e nehenehe tātou e faʼatupu i te hōʼē taʼa-ʼē-raʼa, ʼe e nehenehe tātou e ʼite i te reira i roto i tō tātou iho oraraʼa mai te mea e rave tātou i te taime nō te rave i te tāviniraʼa tei ’ī i te faʼaroʼo. E nehenehe tā ʼoutou e pure i te mau poʼipoʼi atoʼa nō te ani i te Fatu i te tauturu i roto i te tāviniraʼa ia vetahi ’ē. ’Ei hiʼoraʼa, ʼa ani Iāna ’ia faʼaʼite mai ia ʼoutou ’ia hinaʼaro anaʼe te hōʼē tamariʼi i te tauturu i roto i te hōʼē ʼohipa i te fare ’aore rā ’ia hinaʼaro anaʼe te hōʼē hoa i te hōʼē parau haʼapoupouraʼa. I muri iho, ’ia fāriʼi anaʼe ʼoutou i te hōʼe faʼaururaʼa, ’a rave ! Mai te mea e faʼariro ʼoutou i teie mau pure ʼe teie tāviniraʼa ʼei peu, i reira ïa tā ʼoutou ʼohipa tāmau e haʼamaitaʼi ai i tō ʼoutou oraraʼa ʼe te oraraʼa ʼo vetahi ’ē. ’Ua fafau mai te peresideni Uchtdorf ē « e nehenehe tā ʼoutou e faʼataui i te mau taʼata tātaʼitahi, te mau ʼutuāfare, te mau nunaʼa, ’e te ao nei ».