Parau poro’i nā te mau tuahine hāhaere
Tāpūraʼa ’e fafauraʼa nō te autahuʼaraʼa
’A tuatāpapa nā roto i te pure i teie mātēria ma te ’imi ’ia ’ite e aha te fa’a’ite atu. Nāhea te ta’a-maita’i-ra’a i te fā ʼa te Sōtaiete Tauturu e fa’aineine ai i te mau tamari’i tamāhine ʼa te Atua nō te mau ha’amaita’ira’a ʼo te ora mure ’ore ?
’Ia hau tō tātou, te mau tuahine, taʼa-maita’i-raʼa ē e tano te tāpūraʼa ’e te fafauraʼa nō te autahuʼaraʼa nō tātou iho, e hau atu ā e fāriʼi tātou i te mau haʼamaitaʼiraʼa ʼe te mau fafauraʼa nō te autahu’ara’a.
’Ua parau ʼo Elder M. Russell Ballard nō te Pupu nō te Tino ʼAhuru ma Piti ʼĀpōsetolo, « rātou pāʼātoʼa tei rave i te mau fafaura’a mo‘a i mua i te Fatu ’e o tei faʼatura i taua mau fafauraʼa ra, e fāri’i ia rātou i te heheuraʼa nō rātou iho, e haʼamaitaʼihia rātou nā roto i te utuuturaʼa ʼa te mau melahi, e paraparau rātou i te Atua, e fāriʼi rātou i te ’īraa ʼo te ʼevānelia, i te hopeʼa roa, e riro mai rātou ʼei feiā tufaʼa nō te mau mea atoʼa ʼa te Metua i piha‘i iho ia Iesu Mesia ».1
Te mau haʼamaitaʼiraʼa ʼe te mau fafauraʼa nō te tāpūraʼa ʼe te fafauraʼa nō te autahuʼaraʼa nō te mau tāne ’e te mau vahine ato’a ïa. ’Ua parau te tuahine Sheri L. Dew, tauturu tahito i roto i te Peresideniraʼa Rahi nō te Sōtaiete Tauturu, « E nehenehe ïa te ’īraʼa ʼo te autahu‘araʼa e vai nei i roto i te mau ’ōro‘a teitei roa aʼe ʼo te fare ʼo te Fatu e fāri’i-’āpiti-hia e te hō’ē noa tāne ’e te hō’ē noa vahine ».”2
’Ua hōroʼa te tuahine Linda K. Burton, te Peresideni Rahi nō te Sōtaiete Tauturu i teie piʼiraʼa, « tē ani nei au ia ʼoutou ’ia tāmau āʼau i te tāpūraʼa ʼe te fafauraʼa nō te autahuʼaraʼa, ʼo te nehenehe e ʼitehia i roto i te Parau Haʼapiʼiraʼa ’e te Mau Parau Fafau 84:33–44. ’Ia na reira ʼoutou, tē fafau atu nei au ia ʼoutou ē e faʼarahi te Vārua Maitaʼi i tō ʼoutou taʼa-maita’i-raʼa nō niʼa i te autahuʼaraʼa ʼe e faʼauru ’e e fa’ateiteihia ’outou nā roto i te mau rāve’a fa’ahiahia ».3
’Ua faʼataʼahia te mau arataʼiraʼa ʼa Iosepha Semita i te Sōtaiete Tauturu nō te faʼaineine i te mau vahine ’ia « fāriʼi i te mau tiʼaraʼa ʼe te mau haʼamaitaʼiraʼa ’e te mau hōroʼaraʼa nō te autahuʼaraʼa. E ravehia ïa te reira nā roto i te mau ʼōroʼa nō te hiero.
« Te mau ʼōroʼa hiero [e] mau ʼōroʼa ïa nō te autahuʼaraʼa, [e’ita] rā te reira e hōroʼa mai i te tiʼaraʼa autahuʼaraʼa i niʼa i te mau tāne ʼaore rā te mau vahine. [E faʼatupu teie mau ʼōroʼa] i te fafauraʼa ʼa te Fatu e noaʼa ai i tōna nunaʼa—te mau vahine ʼe te mau tāne—i te mana nō niʼa mai ra’ [PH&PF 38:32] ».4
Te tahi atu mau pāpa’ira’a mo’a ’e mau ha’amāramaramara’a
Te Parau Ha’api’ira’a ’e te mau Parau Fafau 84:19–40; 121:45–46; reliefsociety.lds.org
Fa’aro’o ’Utuāfare Tōtauturu