Mea na Faamamafa mai mai le Konafesi Aoao Faaletausaga Lona 187
I le tai ono masina tatou te faapotopoto ai e faalogo i le afioga a le Atua e ala mai i perofeta soifua ma taitai musuia o le Ekalesia. E faitau miliona i le lalolagi atoa e faapotopoto faatasi mai i aiga po o i totonu o falesa, i taimi eseese o itulagi ma gagana, e faaaogaina ia televise e eseese le tetelē [e maimoa ai].
Ae o le konafesi aoao e sili atu nai lo se mea na tupu. O se aafiaga e mafai ona tumau mo se taimi umi tatou te mananao ai. O le konafesi o se mea tatou te suesue, aoao mai, ma ola ai.
Ina ia fesoasoani ia te oe i ou aafiaga o le konafesi, matou te taumafai e pueina le agaga o le konafesi i lenei lomiga i le tai ono masina. Pe e te manao e suesue i le konafesi i le lolomiina, i le Initoneti, po o i luga o telefoni feaveai, matou te faamoemoe o se vaieli o le a e toe foi soo i ai.
Ia Viia Oe, Le Atua
Itulau 86: Ina ia faamalolosia a tatou molimau i le Faaola ma Lana talalelei, sa aioi mai Peresitene Thomas S. Monson ia i tatou “ia suesue ma mafaufau loloto i le Tusi a Mamona i aso taitasi.”
Itulau 66: Sa ia valaau atu foi i alii ina ia iloilo o latou olaga ma “mulimuli i le faataitaiga a le Faaola e ala i le agalelei, alofa, ma agaalofa.”
Malumalu Fou ua Fofogaina Mai
Itulau 86: Na fofogaina mai e Peresitene Monson ni malumalu fou se lima ina ia fauina i eria o Brasilia, Pasila; Manila lautele, Filipaina; Nairopi, Kenya; Pocatello, Idaho, ISA; ma Saratoga Springs, Iuta, ISA. (Tagai i le itulau e 141 mo nisi faamatalaga.)
Lagolagoina o Taitai Fou
Itulau 43: I le Aso Toonai, 1 o Aperila, sa fofogaina mai ai e le Au Peresitene Sili le faamaloloina o le Au Peresitene Aoao o le Aualofa: Linda K. Burton, Carole M. Stephens, ma Linda S. Reeves.
Itulau 135: Aoao atili e uiga i le valaauina o taitai aoao fou e 10 o le Ekalesia, e aofia ai le Au Peresitene o le Aualofa.
Folafolaga na Toe Taua
I totonu o le faavaa: Sa toe faasino nisi o failauga i le “O Le Keriso Soifua” ma le “O Le Aiga: O Se Folafolaga i le Lalolagi” (tagai i itulau 26, 36, 39, 62 ma le 100). E mafai ona e mauaina nei pepa taua i totonu o faavaa o lenei lomiga.