Elder Brian K. Taylor

Fitugafulu o le Pulega Aoao

Sa lagolagoina Elder Brian King Taylor o se Fitugafulu o le Pulega Aoao i le aso 1 o Aperila, 2017.

Sa soifua mai Elder Taylor i le 1964 i Ogden, Iuta, ISA, ia Lowell Moon ma Marie King Taylor. Sa ia tuputupu ae i Kaysville lata ane, o le lona fa i se aiga e toalima le fanau ma e fiafia e fagota ma taaloga.

O lona uso matua o Craig sa i ai se sikolasipi i le pasiketipolo i le Iunivesite o le Setete o Iuta i Logan, Iuta, ma sa taumafai e filifili pe auauna atu i se misiona pe faaauau pea lana matata i le kolisi.

“I se tasi po i le taumafataga o le afiafi sa ou fai atu [ia te ia], ‘Ei, afai e te alu i se misiona, o le a ou alu i se misiona,’” na toe ta’ua e Elder Taylor. Sa iu ina auauna atu uma le au uso e toalua, ma o Elder Taylor na alu i le Misiona a Sepania Seville.

A o le’i alu lana misiona, sa taalo Elder Taylor i le ‘au pasiketipolo a le Iunivesite a Polika Iaga mai le 1982 i le 1984 faatasi ai ma Devin G. Durrant, lea o loo auauna atu i le taimi nei o se tasi o le Au Peresitene Aoao o le Aoga Sa.

Sa ia feiloai foi i lona toalua o le a i ai, o Jill Featherston, i BYU. Sa faiaoga [Jill] i le vasega o Mataupu Faavae o le Ekalesia i lana uarota o tagata aoga. O le valaauliaina e lona uso, na asiasi atu ai Elder Taylor ma feiloai ai ia te ia. Sa tuputupu ae se faigauo, ma sa la faaipoipo i le aso 30 Aperila, 1987, i le Malumalu o Sate Leki. O i laua o ni matua o se fanau e toafitu.

O Sister Taylor ua na o le pau lea o le teine o le fanau e toafitu a Elder Vaughn J. Featherstone, o se Pulega Aoao ua faamalolo faamamaluina, ma Sister Merlene Featherstone. “Sa latou matuai taliaina ma agalelei,” na fai mai ai Elder Taylor e uiga i lona aiga faaletulafono. “Sa ou lagonaina le alofagia i le taimi lava lena.”

Faatasi ai ma se faailoga o le tagata malaga mai BYU, na fausia e Elder Taylor le tele o pisinisi, e aofia ai se kamupani e mamanuina le polokalama faamaopoopo o valaauga mo faalavelave faafuasei i le va o faalapotopotoga mo tagata lautele o le saogalemu.

Sa ia auauna atu o se faiaoga inisitituti, fautua maualuga, peresitene o Alii Talavou o le uarota, peresitene o le siteki, ma, i le taimi o lona valaauga o se Fitugafulu, peresitene o le Misiona a Texas Dallas.