Elder Taylor G. Godoy

Fitugafulu o le Pulega Aoao

O ni nai tausaga i le faagasologa o lana matata faalegaluega, na maua ai e Elder Taylor G. Godoy o ia i se fetaulaiga ala.

Sa faigaluega o ia o se fomai nifo, faavaeina se pisinisi [e vaaia oloa po o nifo], ma tulimatai atu i se lumanai i aoaoga faaakatemia o le taotoga o oloa po o nifo. Peitai sa valaauina o ia e se taitai perisitua alofa ma faatuatuaina e galue mo le Seminare ma Inisitituti.

O le aluese mai i se matata tauolaola sa avea ma se filifiliga malie mo le fomai nifo talavou, o le sa lagolagoina i le aso 1 Aperila, 2017, o se Fitugafulu o le Pulega Aoao. Sa manatu le toatele o ana uo pe faapefea ona ia tuua lana matata [o se fomai nifo].

“Ae peitai sa ou iloaina o se filifiliga sao,” o lana tala lea. O lea ituaiga o faamaoni ua matuai faamatalaina ai tagata liliu mai o le Ekalesia. O le fesoasoani i isi ia iloa ma fiafia i le talalelei ua faamaonia le avea ai ma se avanoa ma faamanuiaga o le taua o le olaga.

I le taimi o lana galuega mo aoaoga a le Ekalesia, sa galue Elder Godoy o se faiaoga inisitituti, taitai faamaopoopo, faatonu, ma le faatonusili i le atunuu. Talu ai nei lava, sa avea o ia ma faatonu o le eria o Amerika i Saute Matusisifo mo Seminare ma Inisitituti.

Sa soifua mai Taylor Guillermo Godoy Atanacio i Lima, Peru, i le 1968, ia Taylor Godoy ma Adalzahinda Atanacio. Na maliu lona tama a o avea o ia ma se tama talavou, ma sa tausia o ia e le toalua pele o lona tina, o Elias Rebaza. Na auai Elder Godoy i le Ekalesia ina ua 17 ona tausaga.

Ina ua uma ona auauna atu i le Misiona a Peru Lima i Matu, sa ia toe foi atu i lona nuu moni o Arequipa. O iina na ia atiae ai se faauoga ma se tamaitai talavou e igoa ia Carol Pacheco. Sa faaipoipo le alii ma le tamaitai na liliu mai i le aso 31 o Me, 1994, i le malumalu o Lima Peru. O i la’ua o ni matua o se fanau e toalua.

Sa maua e Elder Godoy se faailoga o le tagata malaga i mea tau oloa po o nifo mai le Iunivesite Katoliko a Sagata Maria i le 1993 ma se faailoga o le matuaofaiva i le pulega mai le Iunivesite o Tekinolosi i Madrid i le 2006.

Sa ia auauna atu o se epikopo, fautua maualuga, peresitene o le siteki, faatonu o le va i fafo o le eria, ma Fitugafulu Eria.