Autalavou

Ina ua Maliu La’u Uo

Saunia e Samantha Linton

E alala le tusitala i Iuta, ISA.

girl reading hymnbook

I le taimi o lo’u tausaga sefulutasi i le aoga maualuga, sa i ai i la’u uo se fula i le ala toto o le faiai ma maliu ai i le aso na sosoo ai. E ui o a’u o se tagata o le Ekalesia, sa ou tauivi pea. Sa aoaoina a’u i lo’u olaga atoa e mafai ona ou liliu atu i le Tama Faalelagi ma le Faaola mo soo se mea, peitai ou te lei feagai lava ma se mea faapea i le taimi muamua.

Sa ou tagi mo le tele o itula, e taumafai e sue se mea—soo se mea lava— e aumaia le filemu ia te a’u. O le po ina ua mavae lona maliu, sa ou liliu atu ai i le tusi pese. A o ou faasolosolo i itulau, sa ou tau i le pese “Iesu, Se’i e Fa’atasi Mai” (Viiga, nu. 93). Sa ou gauai atu i le fuaiupu lona tolu:

Iesu ia e faatasi mai,

Ua na ‘o a’u le po

Pe a e le faatasi mai,

Pe le taitai mai.

E o’o mai le pogisa,

I lo’u aiga.

Iesu, ia e fa’atasi mai;

Ua o’o mai le po.

O lenei fuaiupu sa faatumulia ai a’u i le filemu tele. Sa ou iloa i lena taimi e le gata sa mafai ona faatasi mai le Faaola ia te a’u ae sa Ia silafia lelei foi o’u lagona. Ou te iloa o le alofa na ou lagonaina e ala i le viiga e le gata ina fesoasoani ia te a’u i lena po ae sa fesoasoani foi ia te a’u i le tele o isi faigata na ou onosaia.

E mafai ona e siiina mai le pese “Iesu, Se’i e Fa’atasi Mai” i le lds.org/go/7176.