Ibuobuoki, Teuana te Bentira n te Taina
E moan riki ngke e baronga ana karikirake ni mwakuri au titeiki ni buokiia taan birinako. I rangin tangira te karikirake, ngaia are I a bubutia tinau bwa e na tuanga au tia reirei, ao au tia reirei iai te bwai ae e tangiria ni karaoia ma kaain te kaaua ni koraki. Ni katea te banna ni katooto ibukin te karikirake, mwaaneu, Maddie, ao Ngai ti nako ni karebwerebwe iaon mataroa ni bubuti te anga mwane n ibuobuoki.
E a roko te bong are e na kaotaki iai te karikirake nakoia ni kabane kaain te kaaua ni koraki. E bon nako nanou. N te koaua, I bon maaku, ma e nakoraoi ae I karaoia. I bane n tuangiia kaain te kaaua ni koraki baike ti kainnanoi n ana bwai n ibuobuoki te reirei ibukiia taan birinako. I tuangiia aron nakora ni karebwebwe iaon mataroa nako, ao I anganiia te kakaewenako bwa a na kataia ni karaoa ae tamaroa riki nakon aron au karikirake ni karekemane. Ngaira ni kabane ti karaoa ae riaon 100 bwaai n ibuobuoki. Ti karinii booki, bentira, ao bwaai n reirei riki tabeua. Ti korea naba te taeka ae kangai, “Kaaraki nako Tiaman.”
Ngai ma tinau ti uotii bwaai n ibuobuoki nakon aia kaembwa taan birinako. I aki taekinna bwa e tikiraoi te kaembwa, ma iai te tabo n takakaro ao te tabo n reiakinaki ni baika a kaeti ma te reirei. Iai te turein irarikin te kaembwa are e rangin karongoaa, ao a tuangai ataei ae kaanga taraan ae a kiba taian wanikiba iaon Tiiria ao taabo riki tabeua n aron anne. Tao kaanga ai aron tangin taian boom irouia ataei ake a ongoongo man mweengaia i abaia.
I kaitibo ma tabeman ataei n te kaembwa aika bon rorou, n raonaki ma Daniel, te tia takakaro ae onoti rabakauna n te borau ae botonimwaane. I aki takakaro n aitara ni borau ma ngaia, I rang tatangira te borau mae nakobuaka ibukina, a kaoai bwa N na tatakaro ni butibooro ao te bing bong. A tuangai ataeinmwaane bwa a uringi mweengaia ao a rangin tangiria bwa a na kitana te kaembwa ao ni manga nako riki n reirei.
Imwiin takakarora n te butibooro ao ni bing bong, ti a tibwatibwai taian bwai n ibuobuoki. I namakina ae tamaroa bwa I kona ni karaoa te akoi ibukiia ataei ake a maeka n te kaembwa.