Ko Na Kanga n Ataia Bon Iroum

Iroun Beretitenti Henry B. Eyring

Moan Kauntira n te Moan Beretitentii

Man te Tai ni Marooro n Itaramata Maati,2017 ma Beretitenti Henry B. Eyring ao Unimwaane Jeffrey R. Holland.

Raoraora kairake aika tangiraki, nanora ibukimi n tatabemani ngkami nako bwa kam na ataia bon ibukimi, inaomatan temanna, bwa bon iai Atuan karawa, bwa E kinako, ao bwa Natina e a tia ni mate ibukin buren te aonaaba.

Ara kaantaninga bwa kam na karekea bon ibukimi te koaua ae matoatoa bwa e a tia ni kaokaki ana euangkerio Iesu Kristo nakon te aonaaba ibukin te kabanea n tai. Taben Iotebwa Timiti e onoti, ma ana tataro ae nanorinano bon te banna ni katooto ae ibuobuoki ibukim ao ibukiu. Iotebwa e moanna n te buakonikai n tataro ma te onimaki bwa te Atua n tangira e na kaeka ana tataro ao ni kanakoa nanououana. E karekea te koaua anne man warekan ana taeka te Atua ao ni karekea te kakoaua bwa e bon koaua. E tataro naba Iotebwa ma nanona n aki ti kakauongo ma n ongotaeka n aki tabe bwa aekakira aron rawawatana. E motinnanoia bwa e na karaoa te bwai ae na reitaki iai te Atua nakoina

N aron te tamnei naba are e katanoata te Burabeti Iotebwa Timiti, I tangiria ni kanakoa te kakaewenako nakoia kairake n te Ekaretia. E kangai te kakaewenako: nakomai ataia bon ibukim bwa a koaua bwaai aikai. Ko kona ni karaoa aei man irakin ana banna ni katooto Iotebwa Timiti: kamatebwai booki aika tabu, kariai taeka bwa ana oota inanom (n raonaki ma taningaia), iangoi n taainako, ao ngkanne titirakina te Atua, ma te nano ni kan butimwaea Ana kairiiri—ni koauana, E na karaoaki Ana kaantaninga.

Ngkai te kakao aei e taraa n ae te kakao ae bebete, I berita nakoim bwa e kona n ana te mwakuri ae korakora. I aki kona ni berita bwa e na reke am kaeka inanon teuana te bong ke inanon te wiiki, ma I kona ni berita bwa e na taetae te Atua nakoim n oin Ana kawai ao n oin Ana tai, ngkana ko bubuti ma te onimaki. Ngkana ko kariaia ao ni mwakuria te kakao aei, ko na kunea bwa ana aki ti roko kaeka, ma ko na karekea naba te katei ni karekean te atatai n tamnei are e na kakabwaiako n nikiran maium.