Ni Karokoa Ti A Manga Kaitiboaki
Buoka Temanna n te Bong Aei
Iroun Beretitenti Thomas S. Monson
Man “Tera Ae I a Tia Ni Karaoia ibukin Temanna n te Bong Aei?” Riaona, Nobembwa 2009 84–87.
Ngaira bon ana tabonibai te Uea. E mwioko iroura.
KABWARABWARAAKI MAN ANA MWAKURI NI KAMAIU KRISTO NAKON TE AORAKI I BATHESDA, IROUN CARL HEINRCH BLOCH, N ANA KARIAIA TE BRIGHAM YOUNG UNIWETIRI ARE A KAWAKINAKI IAI KOROBANNA
Akea au nanououa bwa bon nanoia kaain te Ekaretia n tatabemaniia bwa a na beku ao ni buokiia naake a kainnano. N te bwabetito ti berita bwa ti na “katoka i aora rawawataia raora, bwa aonga ni beebete” [Motiaea 18:8]. Iraua te tai ae e a tia n ringaki iai nanom ngke ko a tia ni kakoaua kainnanon temanna? Manraa te tai ae ko a tia n iangoia bwa ko na riki bwa temanna te tia ibuobuoki? E kanga aron kanoan te bong teuana ma teuana ni kamangaoa aron te maiu ao ko katikuia aomata bwa ana buokaki irouia tabeman, n namakinan anne “o, ni koauana temanna ae na buoka te kainnano anne.”
Ti riki n rangin n tabeaianga ibukin tabetaben maiura. Ngkana ti na toki tabeua te tai n iangoi bwaai aika ti karaoi, e ngae n anne, ao n taraa te bwai ae ti karaoia, ti kona ni kunea bwa … ti kabanea angiin ara tai n tabeakin bwaai aika aki rangin ni kakawaki n te baire ni kabutaa te maiu, n aki tabeakin ake a kakawaki riki. …
Ti katobibiaki irouia naake a kainnanoa ara ibuobuoki, ara kaunganano, ara boutoka, ara karaunano, ara akoi—bwa kaain ara utu, raoraora, ara ikikina, ke iruwa. Ngaira bain te Uea ni buoka ana mwakuri iaon te aba, ma te tua ni beku ao ni buokiia Natina. E katan iaora n tatabemaniira nako. …
E bia taekan te anene ae ataaki n rin inanon tamneira … :
I a tia ni karaoa te mwakuri ae raoiroi n te aonaaba n te bong aio?
I a tia ni buokiia aomata ake a kainnano?
I a tia ni kakukureia aomata aika nanokaawaki ao ni kakukureia tabeman?
Ngkana I tuai, I a tia ni kabwaka raoi iai.
Iai ae e a tia ni bebete rawawatana n te bong aio
Ibukina bwa I bon anga nanou bwa N na tibwauaia?
A tia aika aoraki ao aika a kua ni buokaki iaon kawaiia?
Ngke a kainnanoa au ibuobuoki I mena ikekei?
[“I A Tia Ni Karaoa Ae Raoiroi?” Anene, nambwa. 23].
… Ti kona n titirakiniira te titiraki … : “Tera ae I a tia ni karaoia ibukin temanna n te bong aei?” Au reirei nakoia kaain te Ekaretia ni kabuta te aonaaba bwa kam na kakaea temanna ae iai ana kaangaanga ke ae e aoraki ke n tiku ni maroa, ao ni karaoa te bwai teuana ibukin te uanne ke neienne n te bong aei.