E Kanga te Rongorongo n te Maungatabu ni Kona ni Bita Maium

Iroun Hadley Griggs

E maeka te tia korokaraki i Utah, USA.

Ko kona raoi n riki n aron Iesu Kristo. Bwaai ni mwakuri aikai a na buokiko n nooria bwa e kanga.

desk with laptop and general conference issue

Ko kainnanoa kakorakorakim n te maiu n tamnei? Iangoia ko kona ni kamanena kairakim n te maiu n tamnei? Eng, ko tekeraoi, ibukina te maungatabu e kona n riki bwa te bwai ae ko ukoukoria. Unimwaane Robert D. Hales man te Kooram n Abotoro n te Tengaun ma Uoman e taku: “Nakoia kairake aika kaain te Ekaretia, I berita bwa ngkana kam ongora [n te maungatabu ni kabuta], kam na namakina korakoran te Tamnei n tiku inanomi. E na tuangkami te Uea bwa tera ae kam na karaoi ma maiumi.”¹

Ao e aki toki ma te wiikente n te maungatabu—kam kona n reitinako n namakina te Tamnei man kamatebwaian taian taetae naba imwiina!

Te maungatabu e buokiira ni kawai aika mwaiti. Ma tao ae kakawaki riki, e kairiira ni kaniira ma te Tia Kamaiu n reireniira bwa ti na kanga n riki n Ai arona. Te kawai ae korakora ni karekea ae mwaiti man te maungatabu bon te ongora raoi n taian angareirei ibukin anuan Kristo—tao n tain te kanakobwana ke inanon kamatebwaian taian taetae imwiina. Ngkai kam ongora ke ni wareka anuan Kristo aika koaua n ami iango, taian taeka ao te Tamnei a kona ni buokiko n reiakinna bwa kam na kanga n riki n ai Aron Kristo.

Kam kona n anaa te kuwiti ae tawe aei n nooria bwa te anua raa ke uoua ake kam tangiria ni kabanea nanomi iaona ngkai kam kamatebwai rongorongon te maungatabu. (Ibukin bwaninin riki te ukeuke aei, tuoa te Okitobwa 2016 New Era ke Mwakoro 6 man Tataekina Au Euangkerio.)

Ibukin anuan Kristo aika ruaiwa n tatabeua akana inano, rinea te taeka are e kabwarabwarako raoi.

1. Te Onimaki:

   1. I aki koaua ngkana Iesu Kristo au Tia Kamaiu.

   2. I kakoaua Iesu Kristo ao ni butimwaea n aron au Tia Kamaiu.

   3. I kantaningaia ae Iesu Kristo bon au Tia Kamaiu.

2. Kantaninga:

   young man

   1. I namakina te rau ao kakoauaan bwaai aika raoiroi a na bon riki n taai aika a na roko.

   2. I maakui taai aika a na roko!

   3. I taneiai ni kakeai taai aika a na roko—ngkana I aki iangoa, I aki riai n raraomaeakinna.

3. Te Tangira ae Kororaoi ao te Tangira:

   1. I kataia n tangiriia aomata, ma iai tabeman aomata ake a aki toki n taraa ni kakaunai.

   2. I rangin tabetabe ni mwakuria maiu are e rang kaangaanga reken au tai n iangoiia riki tabeman

   3. I tangira te mweeraoi ae akea tokina ao kukureia aomata tabeman.

4. Te Tamaroa:

   1. Maiuakinan te itiaki n te iango ma te mwakuri.” E aki rangin kakukurei!

   2. I itiaki ao e itiaki nanou.

   3. E kaangaanga reken au tai n itiaki

5. Atatai:

   young woman reading scriptures with younger sister

   1. E mwaiti te bwai ae I rinanona are I aki kona ni karekea au tai ni kakaei kaekaan au titiraki.

   2. Ugh. Kamatebwai? N tabetai iai namakinan ae rangin kabotu n reiakin bwaai.

   3. I ukeuke ma nanou n ataa te koaua ao ni karekei kaekaan au titiraki.

6. Taotaonaki n nano:

   1. I kona ni kantaningai bwaai n aki raraoma ke n un.

   2. Au katautau I kona n tatanigai bwaai, ma I kona ni karekea aekakin nako te un iai.

   3. Tataningakin bwaai bon te kabanea ni buakaka. I tangiri bwaai ni kabane ngkai

7. Te nanorinano:

   1. I tangiria ni kakoaua I karaoi bwaai ni kabane i bon irou.

   2. I onimakina ana buoka te Uea.

   3. Ngkana e mwakuriaki te bwai teuana, angin te tai I mwaninga are I kona ni bubuti ana ibuobuoki te Tama are i Karawa.

8. Mwakuri korakora:

   1. I rang kababanea angiin au tai ni mataku n te TV, n otinako ma raoraou, ao totokoi mwiokoakiu!

   2. I ikakorakora n angiin te tai ni kabanea au tai iaon bwaai aika kakawaki inanon maiu, ma I kataia ni karaoia.

   3. I kabanea au tai iaon bwaai aika kakawaki riki.

9. Ongotaeka:

   1. I anga nanou n iriiri aia reirei au tia kairiiri ao au karo.

   2. Bon ngai te bwaoti i bon bukiu—angiin te tai e kaangaanga ongoraau iroun temanna.

   3. I iriiri aia reirei au tia kairiiri ao au karo, ma n tabetai I ngurengureakin.

young woman

Ngkai tarai am kaeka. Tera anua aika ko kan mwakuri iaoia? N reiakinna bwa ko na kanga ni karikirakei, ko kona n rinea teuana ke uoua ao kabanea nanom nako iai ngkai ko ongora n te maungatabu.

Ao ngkana ko kaeka bwa e nakoraoi am kekeiaki iaoia ni kabane, kateimatoa! Ko kona n teimatoa n rinea teuana ke uoua ake a rianako taraana iroum n tain te kuwiti ao kabanea nanom iaon akanne n tain am kamatebwai n te maungatabu. N aron am atatai n te maiu n tamnei are e riki inanon mawanangam n ai Aron Kristo, n taainako ko kona n rairaki nakon aia angareirei ara taan kairiiri ni buokiko iaon kawaim.

Ngkana ko aki kona n rinea te anua ngkai, tai raraoma! Ko kona n ongora n te maungatabu n taainako ao n nooria bwa tera ae e taraa n rianako taraana iroum ngkanne.

N te tai are ko rinea te anua are ko tangiria ni kabanea nanom iai, ko na bae n tangiria ni koreia bwa ko aonga n tauraoi ni karekea te kaotioti ibukina ngkai ko ongora n te maungatabu ke ngkai ko kamatebwai taian taetae imwiina. Ngkai ko ongora ao ni kamatebwai, kariaia te Tamnei bwa e na kairiko nakon kawai tabeua aika onoti ake ko kona ni mwakuri iaon te anua. Tuoa te katooto ane inano!.

Bwaai aika a na taraaki

1. Robert D. Hales, “General Conference: Strengthening Faith and Testimony,” Liahona, Nobembwa 2013, 6.

Te Tangira ibukiia Niman Raao aika Boou

N te reirei iai te kurubu n ataei aika uarereke are angiia tabeman ataein te reirei a taku bwa “aomata aika akea bonganaia” ibukina bwa a kaokoro. I tuai n tataetae ma ngaiia mai imwaaina. I aki buakaka, ma I aki rangi n tamaroa naba.

Ngke i ongo Beretitenti Dieter F. Uchtdorf, te Kauoman ni Kauntira n te Moan Beretitentii, n anga ana marooro “Taan Nanoanga a na Karekea te Nanoangaaki” (maungatabu ni kabuta Eberi 2012), iai te bwai ae ibitaki. E taku bwa iai teuana te bwai ae ti riai ni karaoia ngkana e kaoti bwa te motikitaeka: “Katokia!” Ana marooro e buokai n ataia bwa n oneamwiin motikan taekaia ataei aikai n te reirei, I riai n oneamwiin au iango ae buakaka ma au namakin ma te “nano ae onrake n tangiran te Atua ao Natina.”

N te Moanibong anne ngke I nakon reirei, n oneamwiin kaitiboou ma raoraou ae I tataneiai ma ngaiia, I nako n aia tabo te kurubu are a taku aomata bwa “akea bonganaia”. Ti moana ara marooro, ao I nooria bwa aomata aikai ni kabane akea kaokoroia nakoia tabeman. Ngkai I kabanea au tai ma ngaiia, I karikirakea au reitaki ae korakora ma ngaiia. A reke raoraou niman aika boou.

I nooria bwa raoraou aika boou tiaki aika “akea bonganaia” n ae bwanin—iroun te Atua a riki n taainako bwa aomata aika iai bonganaia. I rangin kukurei n reikainaki riki taekan ana tangira te Atua ibukiia natina.

Holly H., anan ririki 19, California, USA

Katean te Tangira ae Kororaoi inanon te Kiraati n te Oketitura

N tain te maungatabu ni kabuta n Okitobwa 2015, teuana te marooro ae taraa n rangin kakawaki nakoiu. E anga ana marooro Unimwanne Dale G. Renlund man te Kooram n Abotoro n te Tengaun ma Uoman ae aranaki “Rinanon Ana Taratara te Atua.” E marooroakina taekan kakawakin iangoaia aomata n te anga are a na taraiia iai aia karo aika tatangiriia. Ngke I ongo anne, I kona n namakinna bwa I riai ni karaoa ae nakoraoi riki n tangiriia naake a mena irarikiu.

Te ingabong teuana imwiin te maungatabu, I kabanea nanou n te tai ae e na nakoraoi ma kakukureiakan temanna. I nakon au kiraati ae te oketitura ao n noora te ataeinimwaane ae I aki rang kabanea nanou nakoina. I kona n iangoia bwa e raraoma n te bwai teuana, ngaia are I a nakoina ao n titirakinna bwa e uara ana bong. E aki rang bati ni kabwararia, ngaia are I titirakinna e uara tangiran te kiraati ae te oketitura irouna. E tuangai bwa e aki rangin ataa te katangitang ao e raraoma ibukin te kamataku. I anga nanou bwa N na rinanona ma ngaia, ao ti na kaai ni katanga te kuna. E tamaroa! Imwiin anne, ti moana marooroakinan ara bwai ni katangitang. Ti a kinaira irki, ao I rangin kukurei bwa I anaa te tai n taetae nakoina.

Christa M., ana ririki 12, Texas, USA