O Le Fuafuaga o le Fiafia

Valivali ata nei ia aoao ai e uiga i le fuafuaga o le fiafia a le Tama Faalelagi mo oe! E mafai foi ona e otiina, faapipii faatasi tua o ata, ma faapipii pito ia fai ai se tamaitusi.

Ae ou te lei fanau mai, sa ou nofo o se agaga faatasi ma ou Matua Faalelagi. Na tau mai e lou Tama Faalelagi ia te au na i ai Sana fuafuaga e fesoasoani ai ia te au e aoao ma tuputupu ae. Sa matuai o’u fiafia lava!

Na ofo mai Iesu Keriso e avea ma o’u Faaola. Na Ia afio mai i le lalolagi ma faia se faataitaiga atoatoa mo au. Na Ia totogiina au agasala. Na te silafia pe faapei ou faafitauli ma e mafai ona fesoasoani mai ia te au. Ou te alofa ia Iesu!

Na ou fanau mai i lenei lalolagi matagofie. Na maua sou tino! E galulue faatasi lou agaga ma le tino ao ou aoao. O aso uma lava, ou te taumafai ai e mulimuli ia Iesu e ala i le agalelei.

Ou te mulimuli ia Iesu e ala i le papatisoina. Ou te folafola atu e tausi i poloaiga. Ua folafola mai e le Tama Faalelagi o le Agaga Paia o le a fesoasoani mai ia te au. Pe a ou sese, ou te salamo ma taumafai ia sili atu i le isi taimi. O le auala lenei ou te aoao ai ma tuputupu ae ai!

E ui lava o loo ou mamao mai ou Matua Faalelagi ma Iesu Keriso, e mafai lava ona ou lagonaina le latalata atu ia i Latou. E mafai ona ou tatalo i le Tama Faalelagi i soo se taimi. E mafai ona ou faitau i tusitusiga paia. I se aso, e mafai ai ona ou alu i le malumalu, ina ia ou aoao atili ai e uiga i le fuafuaga a le Atua mo au. O se nofoaga filemu, ma fiafia.

O le oti, ua na o se isi vaega o le olaga. Pe a ou oti, o lou tino o le a tumau pea i le lalolagi ma o le a alu atu lou agaga i le lalolagi o agaga. O le a ou faatasi ma lou aiga ma uo.

I se aso o le a tuufaatasia ai lou tino ma le agaga. O le a ou toe vaai ia Iesu! E mafai ona ou nofo faatasi ma lou aiga ma Matua Faalelagi e faavavau. Ou te matuai faafetai lava mo lenei fuafuaga o le fiafia!