O Le Tautoga ma le Feagaiga o le Perisitua

Elder Dale G. Renlund o le Korama a Aposetolo e Toasefululua, “O Le Perisitua ma le Mana Togiola o le Faaola,” Liahona, Nov. 2017, 65–66.

“E osifeagaiga le tagata e umia le Perisitua Mekisateko e faataunuuina ia tiutetauave e faatatau i le Perisitua Arona ma faalautele lona valaauga i le Perisitua Mekisateko. …

“O se taui, ua folafola mai e le Atua o le a maua e lē o umia le Perisitua Mekisateko ia ki e malamalama ai mealilo a le Atua. O le a ia atoatoa ina ia mafai ai ona ia tu i luma o le Atua. O le a mafai ona ia faataunuuina lana matafaioi i le galuega o le faaolataga. O le a saunia e Iesu Keriso le ala e afio muamua atu ai i luma o lē o umia le perisitua ma o le a faatasi ma ia. O le a i ai le Agaga Paia i le loto o lē umia le perisitua ma o le a sapasapaia o ia e agelu. O le a famalosia ma faafouina lona tino. O le a avea o ia ma suli i faamanuiaga a Aperaamo ma, faatasi ai ma lona faletua, avea ma suli faatasi ma Iesu Keriso i le malo o le Tama Faalelagi. O nei mea o ni ‘folafolaga silisili ese lava ma le aoga’ [2 Peteru 1:4]. E leai ni folafolaga sili atu e mafai ona mafaufauina.”