O Le Faatuatua e Faatoilaloina le Fefe

President Henry B. Eyring, Fesoasoani Muamua i le Au Peresitene Sili, “Aua le Fefe e Fai Mea Lelei,” Liahona, Nov. 2017, 103.

“O lea, i le tele o mea ua tatou fausiaina ai le faatuatua ma le lototele i o tatou loto, ua faamoemoeina ai e le Alii le tele o mea mai ia i tatou—faapea ai ma augatupulaga pe a mavae i tatou. E manaomia ona latou malolosi atu ma lotototoa atili ona o le a latou faia ni mea tetele atu ma faigata atu nai lo mea ua tatou faia. Ma o le a latou feagai ma le faateteleina o le tetee mai o le fili o o tatou agaga. …

“Ou te molimau atu e muamua atu le Alii i o outou luma i soo se taimi lava tou te i ai i Lana feau. O nisi taimi o le a avea ai oe ma le agelu e auina atu e le Alii e sapasapai i luga isi. O nisi taimi o le a avea ai oe ma lē e siosiomia e agelu e sapasapaia i luga oe. Ae o le a e maua pea Lona Agaga e afio i lou loto, e pei ona folafola atu ia te oe i sauniga faamanatuga uma. Pau lava le mea o lou tausi i Ana poloaiga.

“O loo i luma atu aso e sili ona lelei mo le malo o le Atua i le lalolagi. O mea faafeagai o le a faamalosia ai lo tatou faatuatua ia Iesu Keriso, e pei foi ona sa i ai talu mai aso o le Perofeta o Iosefa Samita. E faatoilalo e le faatuatua i taimi uma le fefe. O le tutu faatasi e tupu mai ai le lotogatasi. Ma o au tatalo mo i latou e mafatia e faafofogaina ma taliina e se Atua alofa. E le tulemoe o Ia e le moe lava o Ia.”