2018
Alualu i Luma o se Faiaoga e Pei o Keriso: O Se Iloiloga Faaletagata Lava Ia
February 2018

Alualu i Luma o se Faiaoga e Pei o Keriso: O Se Iloiloga Faaletagata Lava Ia

improving as a christlike teacher

Mafaufau i mataupu faavae o le aoao atu ma le lelei o loo i lalo. I eria ia e te lagona e mafai ai ona e tuputupu ae, faaaoga le avanoa ua saunia e tusi ai mea e te lagona le uunaia o oe e fai.

1. Ou te auai i fonotaga a le aufono a faiaoga faatasi ma se naunau lotomaualalo ia aoao mai ma ia auai (tagai i le MF&F 112:10).

2. Ou te faamaumauina uunaiga a le Agaga mai lea taimi i lea taimi e fesoasoani ai ia te au o se tagata aoao ma se faiaoga (tagai i le MF&F 76:28).

3. Ou te amata ona saunia au lesona e le itiiti ifo ma se vaiaso i luma atu (tagai i le MF&F 88:118–119).

4. E i ai sau paleni talafeagai o aoaoga faafaiaoga ma talanoaga faalevasega (tagai MF&F 88:122).

5. Ou te augani atu ma le faatauanau mo le Agaga ina ia mafai ona avea au o se meafaigaluega i aao o le Atua (tagai i le MF&F 42:14).

6. Ou te faaaluina le taimi e mafaufau loloto ai i le poloka o mau ae lei faitauina le lesona po o anomea i fafo atu ina ia mafai ona ou mauaina le faaaliga e ono mafai ona ou maua (tagai i le MF&F 42:61).

7. Ou te fesoasoani i tagata o lau vasega, ae maise lava le autalavou, e le gata ina ia aoaoina le talalelei ae ia avea foi ma ni faiaoga lelei ina ia avea i latou ma ni faifeautalai, taitai, faiaoga, ma ni matua e sili atu (tagai i le MF&F 88:77).

8. Ou te tatalo e ala i igoa mo i latou i lau vasega (tagai i le Luka 22:32).

9. Ou te aapa atu ia i latou o i la’u vasega o e le auai. (tagai Luka 15:1–7).

10. O le a le luitau sili o le avea ai ma se faiaoga e pei o Keriso, ma e faapefea ona ou manumalo i lena luitau?