Ko e hā ʻa e meʻafoaki ʻo e ʻiloʻiló?

ʻOku talanoa ʻa e ngaahi folofolá fekauʻaki mo e “ʻiloʻi ʻo e ngaahi laumālié” ʻo hangē ko ha meʻafoaki ʻo e Laumālié (1 Kolinitō 12:10; T&F 46:23). ʻOku ʻuhinga iá “ke ʻiloʻi ha faʻahinga meʻa ʻi he mālohi ʻo e Laumālié. … ʻOku kau ki ai hono ʻiloʻi e anga moʻoni ʻo e kakaí pea mo hono tupuʻanga mo e ʻuhinga ʻo e ngaahi fakahā fakalaumālié” (Fakahinohino ki he Ngaahi Folofolá, “ʻIloʻiló, Meʻa-foaki ʻo e,” scriptures.lds.org).

Kuo akoʻi ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻe lava ke tokoniʻi kitautolu ʻe he meʻafoaki ʻo e ʻiloʻiló ke (1) “ʻiloʻi ʻa e ngaahi fehalaaki mo e kovi ʻi he niʻihi kehé,” (2) “ʻiloʻi ʻa e ngaahi fehalaaki mo e kovi ʻiate kitautolú,” pea (3) “kumi mo ʻomi ʻa e ngaahi lelei ʻoku fufuuʻi ʻi he niʻihi kehé,” pea (4) “kumi mo ʻomi ʻa e ngaahi lelei ʻoku fufuuʻi ʻiate kitautolú” (“Quick to Observe,” Liahona, Dec. 2006, 19).