Na Veika e Vakayagataki kina na iKatini

Na cava e yaco ki na ilavo ni ikatini o a sauma?

O rawata mai na ilavo.
O solia kina e 10 na pasede ni ka o rawata vakailavo me baleta na ikatini (raica na V&V 119).
O na laki solia na nomu ikatini vei iratou na matabisopi se mataveiliutaki ni tabana se vakauta ena onolaini ena donations.lds.org.
Ena Valenivolavola Liu ni Lotu, Mataveiliutaki Taumada, Kuoramu ni iApositolo Le Tinikarua, kei na Matabisopi Vakatulewa e ratou sa Matabose ni Vakatulewataki na iKatini (raica na V&V 120). Ena veidusimaki ni Turaga, era na vakatulewa vakalou mena vakayagataki vakacava na ilavo tabu ni ikatini.

Ena vakayagataki na ikatini ena veika vakaoqo:

Na kena tara ka vakavinakataki tiko na veivaletabu, valenilotu, kei na vale eso e taukena na Lotu
Na parokaramu ni vuli e cicivaka na Lotu.
Tabaki vakaivola ni ivolanikalou kei na veivola tale eso
Cakacaka ni dikevi ni tuva kawa
Vakarautaki ni sasaga ni welefea kei na vukei ni kawatamata
Qaravi ni cakacaka ni daukaulotu
Vakarautaki ni itaviqaravi ena Lotu me baleta na vakaveitokanitaki ni lewenilotu ena tabanalevu se tabana

Droini mai vei David Green