Ongo Tautehina ʻOkú na Fakamaama ʻa e Māmaní

Mālo e lelei! Ko Hēpeti mo Seiteni kimaua. ʻOkú ma nofo ʻi he fonua ko Kaná. ʻOku ofi homau kolo ko ʻĀkalá ki he potu Tahi ʻAtalanitikí. ʻOku ʻi ai foki mo ha temipale fakaʻofoʻofa!

Seiteni: Ko ha Hiva Kilisimasi

Naʻe fakafaivaʻi ʻe heʻemau kalasí he akó e aloʻi ʻo Sisuú pea ne u tā ai e pianó he polokalamá kotoa. Naʻá ku akoʻi ʻa e tokotaha kotoa ke nau hiva ʻa e “O Holy Night.”

Seiteni: Ko Hono Akoʻi e Ngaahi Kaungāʻapí

ʻOku ou akoʻi hoku ngaahi kaungāʻapí lolotonga ʻemau vaʻingá koeʻuhí he ʻoku ou loto ke u tokoniʻi kinautolu. ʻI he Mātiu 5:16, naʻe akoʻi kitautolu ʻe Sīsū ke tuku ke ulo atu ʻetau māmá. ʻI heʻeku fai ʻení, ʻoku ou ongoʻi fiefia.

Hūpeti: Ko Hono Tokoniʻi ʻo e Fiekaiá

ʻI he taimi ʻoku mālōlō ai e akó, ʻoku ou sio ki ha kakai ʻoku nau fiekaia mo ʻikai hanau meʻa ke kai. ʻOku ou vahevahe leva ʻeku kiʻi meʻatokoni maʻamaʻá mo tokoniʻi kinautolu ke nau ongoʻi fiemālie ange. ʻOku ou ongoʻi fiefia ʻi he hili ʻeku vahevahe iá.

Hūpeti: Ko Hono Tā e ʻŌkaní

ʻOku ou tā ʻa e ʻōkaní ʻi he lotú ke hiva ki ai e kau mēmipá. ʻOku ou ongoʻi fiefia ʻi heʻeku fai iá.

Tuku Ketau Fakamāmaʻi ʻa e Māmaní

ʻOku hā ʻi he folofolá ko Sīsū ʻa e Maama mo e Moʻui ki he māmaní. Ko ia ai tuku ke tau fakamāmaʻi ʻa e māmaní!

Fakamālō Atu ʻi hoʻo omai Hoʻo Fetuʻú ki he Liahona!

Kuó ke fakafonu homau langí ʻi he taʻú ni ʻaki ha ngaahi fetuʻu mo ha ngaahi talanoa ʻe lauiafe ʻo hoʻo ngāue tokoni angaʻofá. Kuó ke tuku moʻoni ke ulo atu hoʻo māmá.