ʻOku ou fakaafeʻi e finemui kotoa pē mo e talavou kotoa pē ʻi he vahaʻa ʻo e taʻu 12 ki he 18 ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ke nau kau ki he kau tau kei talavou ʻa e ʻEikí ʻo tokoni ki hono tānaki ʻo ʻIsilelí.

ʻOku ou fakaafeʻi atu kimoutolu ke mou fai ia ʻaki hano fakahoko … ha ngaahi meʻa ʻe nima te ne liliu kimoutolu mo tokoni ki hono liliu ʻo e māmaní. …

1. Taʻofi hono ngāue ʻaki ʻo e mītia fakasōsialé ʻi ha ʻaho ʻe fitu.

2. Feilaulauʻi fakauike ho taimí ki he ʻEikí.

3. Nofo maʻu ʻi he hala ʻo e fuakavá.

4. Lotu fakaʻaho ke malava ʻo maʻu ʻa e ngaahi tāpuaki ʻo e ongoongolelei.

5. Ke ke hā makehe. Hoko ʻo makehe. Hoko ko ha Maama.

Palesiteni Russell M. Nelson, “ʻAmanakiʻanga ʻo ʻIsilelí” (Fakataha Lotu Fakamāmani Lahi ʻa e Toʻutupú, Sune 3, 2018), 17, 20.