La Pasi, Polivia

ʻOku hoko e Moʻunga ʻIlimaní ʻa ia ʻoku kāpui ʻe he sinoú ko ha puipuituʻa fakaʻofoʻofa ki he kolo piliki kulokula, mo māʻolunga ko La Pasí, ʻa ia ʻoku faʻa tala ko e senitā pule ʻo Poliviá koeʻuhí ko e tuʻu ai ha konga lahi e ngaahi ʻōfisi ʻo e kau taki fakapuleʻangá.

Naʻe tūʻuta e ongo faifekaú ki he Misiona Andes ʻi Poliviá ʻi Nōvema 1964 pea fakahoko ha fakataha mo ha kakai ʻe toko 19 ne kau atu ki ai. Naʻá na papitaiso mo hilifakinima ʻa e ʻuluaki papi uluí hili ha māhina ʻe taha. ʻI he ʻahó ni, kuo laka hake he toko 203,000 ʻa e mēmipasipi ʻo e Siasí ʻi Poliviá ʻi ha ngaahi faiʻanga lotu ʻe 255 mo ha ngaahi misiona ʻe 5. ʻOku tuʻu e temipale ofi tahá ʻi Kosapamipā, maile ʻe 145 (kilomita ʻe 233) mei ai, ʻoku lele meʻalele houa ʻe 7 ia mei La Pasi.

ʻOku ʻiloa e Siasí ʻi Polivia he ngaahi ngāue tokoni ʻofa fakaetangata fakakoló, kau ai e foaki ha ngaahi saliote mo ha nāunau fakafaitoʻo ki he kau pēpē valevalé; kau ʻi he toʻo totó, poupouʻi e ngoué, ngoueʻi ʻo e ʻapí, mo e ngaahi ngāue fakalakalaka ki he koló; mo hono fokotuʻutuʻu ʻo e ngaahi tokoni ʻi he ngaahi taimi ʻo e faingataʻá.

ʻOku lotu e Kāingalotu ʻo e Siasí ʻi he feituʻu kolo ʻo La Pasí ʻi ha ngaahi feituʻu kehekehe ʻe 40.
Ko e lea ʻoku lahi taha hono fakaʻaongaʻí ko e lea faka-Sipeiní, ka ko ha tokolahi ʻoku nau lea faka-Kuesua, faka-ʻAimala, pe faka-Kualani.
Naʻe uiuiʻi ʻa e fuofua faifekau ngāue taimi kakato mei Poliviá ʻi he 1967.
Naʻe fakamanatua ʻi Tīsema ʻo e 2014 e taʻu 50 ʻo e Siasí ʻi Poliviá. Naʻe fakahoko ʻe he kāingalotu ʻi La Pasí ha fakafiefia fakakolo ʻi Sānuali ʻo e 2015.