Auala e Fesoasoani ai i Tamaiti e Faateleina le Maufetuuna’i
“O le uluai faauigaina o le upu maufetuuna’i e faatatau lea i le gafataulimaina e se mea lona faatumauina pea o ona foliga po o le tulaga pe a uma ona lolo’u, fefaloa’i, pe tatao. O aso nei ua tatou faaaogaina tele le upu e faamatala ai lo tatou gafatia e toe tula’i mai i ni mafatiaga. …
“A o atiina ae e fanau le maufetuuna’i, latou te talitonu e mafai ona latou uunaia ma e oo lava i le puleaina o taunuuga i o latou olaga e ala i taumafaiga, vaaiga faalemafaufau, atamai, ma tomai. … Latou te taulai i mea e mafai ona latou faia, nai lo mea e le mafai ona latou puleaina” (Lyle J. Burrup, “Tausiga o Fanau ina ia Maufetuuna’i,” Liahona, Mati 2013, 11).
-
Ia tutusa taimi uma i le ofoina atu o taui manaomia mo gaoioiga ma amioga atonu e te manao e faamalosia.
-
Vivii taumafaiga a le tamaitiiti.
-
Ta’u atu i fanau e iai lo latou taua na fananau mai ma i latou ona o i latou o atalii ma afafine o le Atua.
-
Faauiga le toilalo o se mea e le tumau ma o se avanoa e aoao ai.
-
Faauiga le faamanuiaina o se taunuuga o le galue malosi ma le ositaulaga.
-
Talanoaina tulafono ma faatulaga faasalaga fetaui ma talafeagai, e fesootai ma amioga, ma faaaloalogia ai uma le matua ma le tamaitiiti.