Mai le Au Peresitene Sili
O Auala e Tolu e Faifai mea faatasi ai ma Isi
Na sii mai le “Amuia ē Faatupuina le Filemu,” Liahona, Nov. 2002, 39–42.
Sa aoao Iesu i tagata auala e faifai mea faatasi ai ma isi.
Auala #1: Alofa i tagata.
Sa tuuina mai e Iesu poloaiga autu sili e lua: muamua, e te “alofa atu i le Alii lou Atua ma lou loto atoa, ma lou agaga atoa, ma lou manatu atoa” (Mataio 22:37), ma le lona lua, e te “alofa atu i lē lua te tuaoi, ia pei o oe lava ia te oe” (Mataio 22:39).
O le poloaiga ia alofa i le Atua ma ia alofa i tuaoi e o faatasi. O tagata o uso ma tufafine moni lava auā o le Atua o lo tatou Tamā moni lava.
Auala #2: Faamagalo i latou.
Sa aoao i tatou e Iesu ia faamagalo tagata uma, “ina ia faamagaloina foi e lo outou Tamā o i le lagi a outou agasala” (Mareko 11:25).
Auala #3: Fai atu i a i latou i le ala e te manao e fai mai ia te oe.
Sa aoao e Iesu le Tulafono Faaauro: “O mea uma foi tou te loto iai ia faia e tagata ia te outou, ia faapea lava ona outou faia ia te i latou” (Mataio 7:12).
E faigofie ona malamalama i le mafuaaga e tatau ai ona tatou fai atu i isi i le auala tatou te mananao e fai mai ia i tatou. O le mafuaaga ona o atalii ma afafine taitoatasi o le Atua e taua (tagai i le Mataio 25:40).
O le Ola Ai i le Tulafono Faaauro
E fia tupe siliva e mafai ona e mauaina? Valivali auro ma samasama i latou.