Talafaasolopito o Aiga, Faa Faasitepu

Talofa, o a’u o Mei.

Sa ou mauaina le ata lenei i totonu o se pusa tuai. I le patua, sa ou vaai ai i le igoa Fumiko.

Sa fai mai lo’u tinā o se ata o Fumiko le tinā o le tinā o le tinā o lo’u tinā. Sa ou manao e saili nisi faamatalaga e uiga ia te ia.

Sa ma toe vaai i totonu o le pusa ma maua ai se tusi ua leva sa tusia e Fumiko ma isi foi ata. E ese le manaia o le aoao e uiga ia te ia.

Sa matou o i le FamilySearch.org ma faaopoopo Fumiko i le gafa a lo matou aiga. Sa matou tuuina i totonu lona aso fanau ma le aso sa faaipoipo ai i laua ma lona toalua o Hiroshi.

Sa matou tuuina foi i ai ma ata o Fumiko. Ia a faapea e leiloloa pe faaleagaina ata, e maua lava se kopi i luga o le initoneti.

E le i papatiso lava Fumiko a o soifua o ia, ae o lenei la ua ou matua ou te alu i le malumalu e papatiso mo ia.

Sa ma faia se kopi o le igoa ma faamatalaga ia Fumiko. Ona ma o loa lea i le malumalu ma sa ou papatiso ai mo ia!

Ina ua ou oo atu i le fale, sa ou tusia loa e uiga i ai i la’u tusi faamaumau. Ou te faamoemoe i se aso o le a ou feiloai atu ia Tinā o le Tinā Matua o Fumiko. Ou te manao ia ou faaauau pea ona ou aoao e uiga ia te ia ma uiga i lo’u aiga atoa lava!

E mafai foi ona e faia talafaasolopito o aiga—e tusa lava pe e te nofo mamao mai se malumalu.

• Tusi ni tala pe tusi ni ata i totonu o lau tusi faamaumau e uiga i lou olaga.

• Fesili i sou matua po o matua o matua e uiga i o latou olaga.

• Tuu ata i luga o le FamilySearch.org e faaaoga ai se komipiuta, telefoni feaveai, po o se tapeleti.

• Faitau e uiga i fesili mo le pepa faataga o le malumalu i le itulau U11. E faapefea ona e agavaa nei lava mo le malumalu?